Ўқувчиси уриб ўлдирилган Боровский номидаги тиббиёт коллежи ёпилиши айтилмоқда

Тошкентдаги Боровский номли тиббиёт коллежининг ўқитувчилари 15 июнь куни фавқулодда мажлисга чақирилиб, коллеж ёпилиши мумкинлиги ҳақида оғзаки огоҳлантирилган. Бу ҳақда Озодлик билан гаплашган ўқитувчи коллежнинг ёпилиб, ўқувчиларнинг бошқа коллежларга тарқатиб юборилиши эҳтимоли борлигини айтар экан, лекин бу ҳақда ҳали расмий буйруқ чиқмаганини таъкидлади. Боровский номидаги тиббиёт коллежидаги текширувлар ўқувчи Жасур Иброҳимовнинг калтаклаб ўлдирилганидан сўнг бошланган эди.