Озодлик мавзуни ўрганиши жараёнида чойхона қишлоқ аҳлига қоладиган бўлди

Қашқадарё вилояти Косон туманидаги Тўқманғит қишлоғида яшайдиган бир гуруҳ отахонлар ҳашар йўли билан қурилган чойхонани шу қишлоқда яшайдиган тадбиркор "тортиб олётганидан" арз қилди. Тадбиркор чойхонани Вазирлар Маҳкамаси қарорига асосан тендерда ютиб олганини айтар экан, ўнга яқин одамни иш билан таъминлаш мақсади борлигини билдирди. Орадан бир кун ўтиб, туман ҳокими чойхона маҳаллага қайтариб берилишини айтди.