Ozodlik mavzuni o‘rganishi jarayonida choyxona qishloq ahliga qoladigan bo‘ldi

Qashqadaryo viloyati Koson tumanidagi To‘qmang‘it qishlog‘ida yashaydigan bir guruh otaxonlar hashar yo‘li bilan qurilgan choyxonani shu qishloqda yashaydigan tadbirkor "tortib olyotganidan" arz qildi. Tadbirkor choyxonani Vazirlar Mahkamasi qaroriga asosan tenderda yutib olganini aytar ekan, o‘nga yaqin odamni ish bilan ta’minlash maqsadi borligini bildirdi. Oradan bir kun o‘tib, tuman hokimi choyxona mahallaga qaytarib berilishini aytdi.