"Абу Сахий" ва "Ўрикзор"даги аксилтеррор машқлари бозорда ваҳима уйғотди

Тошкентдаги энг йирик улгуржи бозор саналган “Ўрикзор”да 5 июль куни огоҳлантирувсиз ўтказилган “аксилтерор машқлари” пойтахтликлар орасида "террор таҳдиди" ҳақидаги ваҳимали гап-сўзлар тарқалишига сабаб бўлди. Озодлик боғланган расмийлар бозорда МХХ ва Террорчиликка қарши кураш бошқармасининг махсус отрядлари аксилтеррор машқлари ўтказаётгани ва хавотирга ўрин йўқлигини билдирди.