Borovskiy kolleji yopilishidan norozilar aksiyasini shahar hokimi tarqatdi
8 avgust kuni Toshkentdagi P.F.Borovskiy nomidagi tibbiyot kolleji binosiga yig‘ilgan o‘quvchilar va ularning ota-onalari kollej tugatilishiga norozilik bildirdi. Voqea guvohlariga ko‘ra, ikki soat davomida MXX va militsiya boshchiligidagi huquq-tartibot idoralari yig‘ilganlarni tarqalishga ko‘ndira olmagan. Kollejga borgan shahar hokimining va’dasi bilangina norozilar uylariga qaytgan.