Хоразмда тадбиркорларга “Нуронийлар маскани” солиғи солинди
Хоразм вилоятининг ҳар бир туманида “Нуронийлар маскани” қурилишига маҳаллий тадбиркорлар маблағ ўтказишга мажбур қилинди. Вилоятдаги хусусий дўкон ва дорихона эгаларининг Озодликка айтишича, вилоят ҳокимлиги улардан масканлар қурилиши учун, даромадига қараб, 4 миллион сўмдан 10 миллион сўмгача солиқ солган, пул ўтказмаган тадбиркорларнинг банк ҳисоби музлатилиши ҳақида огоҳлантирган. Вилоят ҳокимлигидагилар бу жараëннинг “кўнгилли” тарзда ўтаëтганини иддао қилдилар.