Usmonov uchog‘i Mirziyoev uchun ijaraga olingani bildirildi
"O‘zbekiston havo yo‘llari" shirkati rossiyalik milliarder Alisher Usmonovning Airbus 340 M-IABU uchog‘i O‘zbekiston prezidentining rasmiy uchog‘i sifatida uzoq masofaga mo‘ljallangan reyslarda foydalanish maqsadida vaqtincha ijaraga olinganini ma’lum qildi. Mirziyoev MDHning Sochidagi sammitiga, undan oldin esa Nyu Yorkdagi BMT anjumaniga milliarder Usmonovning samolyotida uchib borgani jamoatchilikka oshkor bo‘lishi ortidan shirkat shunday bayonot bilan chiqdi.