O‘zbekiston: Sayfullo Soipov radikal guruhlar ta’siriga AQShda tushib qolgan
Tashqi ishlar vazirligining Jahon Axborot agentligi 1 noyabrda tarqatgan xabarga ko‘ra, Nyu-Yorkdagi teraktni sodir etgan Sayfullo Soipov “radikal guruhlar ta’siriga AQShda tushib qolgan”. 31 oktabrda Nyu-Yorkning Manhetten mintaqasida 29 yashar Sayfullo Soipov yuk avtomobilini piyodalar va velosipedchilar ustiga qasddan haydab, sakkiz odamni o‘ldirgan va 11 odamni jarohatlagandi.