Yoshlar ittifoqiga imtiyoz ustiga imtiyoz berilmoqda. Ular kimga tegadi?
Vazirlar Mahkamasining 14 noyabr kungi qarori bilan Yoshlar ittifoqi fidoyilari tavsiyanoma asosida oliy o‘quv yurtlariga imtihonsiz qabul qilinadigan bo‘ldi; 2018 yil yanvaridan ittifoqning tadbirkor bo‘lishni istagan a’zolariga foizsiz kredit berishni boshlash rejalanmoqda. Ayni paytda¸ prezident tashabbusi bilan tuzilgan Yoshlar ittifoqiga berilayotgan bu imtiyozlar uchun mablag‘ning qaerdan olinishiyu yangi imtiyozlardan kimlar bahramand bo‘lishi hozircha noma’lum qolmoqda.