Новости за 01.05.2016

საქართველოში არსებობენ ადამიანები, რომლებიც საქართველოს მოქალაქეობის მიღებას ვერ ახერხებენ, რის გამოც მათ შემწეობის მიღების შესაძლებლობა წართმეული აქვთ. სპეციალურად P.S.-სთვის გიორგი გვიშიანი, ომარ რამიშვილს მაგალითზე გიამბობთ რატომ ვერ ახერხებენ ადამიანები საქართველოს მოქალაქის სტატუსის მოპოვებას და რა პრობლემები ექმნებათ მათ მოქალაქეობის სტატუსის არქონის გამო.

დღეს საქართველოში დაახლოებით 200 ათას ადამიანს გამომდინარე მათი ეკონომიური მდგომარეობისა, კანონით შეუძლია უფასო კვება მოითხოვოს, თუმცა მთავრობის მიერ გამოყოფილი თანხით ამ შეღავათით მხოლოდ 34 ათასი ადამიანი სარგებლობს. დანარჩენი მოლოდინშია.

მავთულხლართებს მიღმა დარჩენილი სახლები და წინაპართა საფლავები. პოსტსკრიპტუმი დაინტერესდა რა მდგომარეობაში ხვდება მავთულხლართებს იქით დარჩენილი მოსახლეობა აღდგომის ბრწყინვალე დღესასწაულს.

რუსთავი 2-ის გარშემო მიმდინარე პროცესი 13 მაისისთვის ჩაინიშნა. რუსთავი 2-ს სააპელაცი სასამართლოში შეტანილი აქვს 2 საჩივარი. პირველი სასამართლომ ჯერ კიდევ 31 მარტს განიხილა და ამ დრომდე არ არის ცნობილი რა გადაწყვიტა. საუბარია რუსთავი 2-ის მოწილე, ტელეკომპანია საქართველოს წილების დაყადაღების საკითხზე.

მშენებლობები, რომლებიც დედაქალაქის იერსახეს და მწვანე ზოლს აზიანებს ისევე როგორც წლების წინ, დღესაც აქტუალური საკითხია და მოუგვარებელ პრობლემად რჩება. 

ბოტანიკური ბაღის საკითხის ირგვლივ ხმაური გრძელდება. იმ სამანქანო გზის დასაგებად, რომელიც განხილვით თემა გახდა პირველი პრაქტიკული ნაბიჯები შარშან შემოდგომაზე გადაიდგა. თბილისის მერიამ, პროექტზე ტენდერი გამოაცხადა. გაიმარჯვა თამაზ შილაკაძის პროექტმა. გზის გაფართოებას ხუთასამდე ხის მოჭრა-გადარგვა და რამდენიმე ადგილზე გაზის მილის გადაწევა დასჭირდა.

ბიძინა ივანიშვილის ოფშორული იმპერიის ქართული შვილობილი კომპანიები აქტიურად იყვნენ ჩართულები 2012 წლის საარჩევნო კამპანიაში-ამ განცხადებას ნაციონალური მოძრაობის წევრები აკეთებენ. მათი ინფორმაციით ქართული ოცნების უფშორულ ზურგს უკან ივანიშვილის დისშვილი კახა კობიაშვილი დგას.

რკინიგზის ყოფილი შეფი აკაკი ჩხაიძე პარლამენტის წევრობისთვის ემზადება. ჩხაიძემ საკუთარი გეგმები მთავრობას უკვე გააცნო. 

სააღდგომო ტრაპეზი საპატრიარქოში - მიღებას საქართველოს პრეზიდენტი და პირველი ლედი დაესწრნენ. დღესასწაულისადმი მიძღვნილ ტრაპეზე იმყოფებოდნენ ასევე პარლამენტის თავმჯდომარე, დეპუტატები, მთავრობის წევრები, დედაქალაქის მერი. გიორგი მარგველაშვილმა პატრიარქსა და სრულიად საქართველოს დღევანდელი დღესასწაული მიულოცა.  

სააღდგომო ღვთისმსახურებას საქართველოს განვითარების ფონდის დამფუძნებელი ჩოხატაურის რაიონის სოფელ სამებაში, სამების ტაძარში დაესწრო. პაატა ბურჭულაძემ ბრწყინვალე დღესასწაულის მნიშვნელობაზე ისაუბრა და მართლმადიდებლებს ქრისტეს აღდგომა მიულოცა.

მორიგი აფეთქება მოხდა ცოტა ხნის წინ თურქეთის სამხრეთ-აღმოსავლეთში. თავდასხმა ქალაქ გაზიან-ეპში მოხდა. ასაფეთქებელი მოწყობილობა პოლიციის სამმართველოს შენობასთან ამოქმედდა. არის მსხვერპლი. წინასწარი მონაცემებით დაღუპულია 1 პოლიციელი. 13 დაშავებული კი, რომელთა შორის რიგითი გამვლელებიც არიან, საავამდყოფოშია გადაყვანილი. აფეთქებაზე პასუხისმგებლობა არც ერთ დაჯგუფებას არ აუღია. სამართალდამცველები მომხდარში ქურთ სეპარატისტებს ადანაშაულებენ.

სამების ტაძარში საღმრთო ლიტურგიას ესწრებოდნენ საპარლამენტო ოპოზიციის წარმომადგენლები. ყველა მათგანი დღევანდელი დღის მნიშვნელობაზე საუბრობს. შეფასდა პატრიარქის სააღდგომე ეპისტოლეც.

საღმრთო ლიტურგიას მთავრობის წევრები, დედაქალაქის მერი და საკრებულოს თავმჯდომარე ესწრებოდნენ. ყველა მათგანი დღევანდელი დღის მნიშვნელობაზე საუბრობს და პატრიარქის სააღდგომო ეპისტოლეს აფასებს. 

აღდგომის ღამეს დაარბიეს გირჩის ჩუღურეთის რაიონის ოფისი. წინამძღვრიშვილის ქუჩაზე მდებარე ახალი პოლიტიკური ცენტრის შენობაში ფანჯრები ქვებითა და აგურებით არის ჩამსხვრეული.

სააღდგომო წირვა-ლოცვა სამების საკათედრო ტაძარში ღამის 11:00 საათზე დაიწყო. საღმრთო ლიტურგიას პრემიერმინისტრიც ესწრებოდა. გიორგი კვირიკაშვილმა საზოგადოებას აღდგომის ბრწყინვალე დღესასწაული მიულოცა და პატრიარქის სააღდგომო ეპისტოლე შეაფასა.

ახმეტის რაიონის სოფელ მაღრაანის ტყეში მდებარე ტბაში 18 ტანკსაწინააღმდეგო ჭურვი ნახეს.

აღდგომის დღესასწაულთან დაკავშირებით, დღეს და ხვალ თბილისში არსებული სასაფლაოების მიმართულებით უფასო ავტობუსები იმოძრავებს. დილის 08:00-დან საღამოს 20:00 საათამდე რამდენიმე სპეციალური რეისი იმუშავებს.

საქართველოს სხვა რეგიონების მსგავსად აღდგომის ბრწყინვალე დღესასწაული იზეიმეს კახეთშიც. ალავერდის საკათედრო ტაძარში საღვთო მსახურება აბბა ალავერდელმა მეუფე დავითმა აღავლინა და შეკრებილ მრევლს უფლის აღდგომა მიულოცა.

საზეიმო ლიტურგია საქართველოს ყველა მოქმედ ტაძარში გაიმართა. მათ შორის აჭარაშიც.
განსაკუთრებული ხალხმრავლობა ყოვლადწმინდა სამების ახლად გახსნილ ტაძარში იყო, სადაც სააღდგომი წირვა პირველად შესრულდა.

იტალიელმა მეზღვაურებმა ხმელთაშუაზღვაში არალეგალი მიგრანტები გადაარჩინეს. სატვირთო გემის ეკიპაჟმა ღია ზღვაში შემთხვევით რეზინის ნავი შენიშნა, რომელიც ძლიერი ღელვის გამო ამობრუნდა. ადგილზე მისულმა მეზღვაურებმა მომხდარის შესახებ სანაპირო დაცვის სამსახურს შეატყობინეს, თუმცა მაშველების მისვლამდე წყლიდან 26 ადამიანი ამოიყვანეს. გადარჩენილები ლიბიის მოქალაქეები აღმოჩნდნენ, რომლებიც არალეგალური გზით ევროპაში მოხვედრას ცდილობდნენ. ისინი მაშველებმა იტალიის კუნძულ ლამპედუზაზე გადაიყვანეს, სადაც დევნილთა ბანაკი მდებარეობს. Читать дальше...

ბარაკ ობამამ ჟურნალისტებისთვის გამართულ მიღებაზე დონალდ ტრამპზე იხუმრა. ყოველწლიური ვახშამი, რომელსაც მედიის გავლენიანი წარმომადგენლები ესწრბოდნენ, ტრადიციულად თეთრ სახლში გაიმართა. ობამამ ხუმრობით სინანული გამოთქვა, რომ დარბაზში დონალდ ტრამპი არ იმყოფებოდა.

უამინდობას ტეხასის შტატში მსხვერპლი მოჰყვა. რეგიონს ძლიერმა შტორმმა გადაუარა, რომელსაც ტორნადოების სერია და წყალდიდობა მოჰყვა. მეტეოროლოგების განცხადებით დალასის მახლობლად 7 ტორნადო დაფიქსირდა. ქარბორბალამ დალასის მახლობლად მდებარე დასახლებაში რამდენიმე სახლი დაანგრია და ერთი ოჯახის 5 წევრი იმსხვერპლა. ძლიერმა ქარმა და წვიმამ ჰოუსტონიც დააზარალა. წაიქცეულია ხეები, დაზიანდა ელექტროგადამცემი ხაზები. ოთხი ათასზე მეტი ოჯახი დენის გარეშეა დარჩენილი. სტიქიით დაზარალებულ რეგიონში აღდგენითი სამუშაოები მიმდინარეობს. Читать дальше...

33 წლის რევაზ წიკლაური, რომელიც უკრაინაში საბრძოლო მოქმედებებს ემსხვერპლა, თელავის რაიონის სოფელი ლაფანყურიდან იყო. ის ბოლო 13 წლის განმავლბოაში უკრაინაში ცხოვრობდა. -

წიკლაური უკრაინის ჯარში კონტრაქტით იმყოფებოდა. გავრცლეებული ინფომრაციით, ლაფანყურში მისი გამზრდელი ბიძა და ბიცოლა ცხოვრობენ. ბიძის ოჯახმა რევაზ წიკლაურის გარდაცვალების ამბავი გასულ ღამეს შეიტყო.

უკრაინის აღმოსავლეთით მიმდიანრე საბრძოლო მოქმედებებს კიდევ ერთი ქართველი შეეწირა.

აღმოსავლეთ უკრაინაში სააღდგომო ზავი დაირღვა. დონეცკისა და ლუგანსკის ოლქებში მთელი ღამის განმავლობაში სროლისა და აფეთქებების ხმა ისმოდა. უკრაინული მხარე ზავის დარღვევაში პრორუსულ ძალებს ადანაშაულებს. ანტიტერორისტული ოპერაციის შტაბის ინფრომაციით, პრორუსულმა ძალებმა უკრაინელი მებრძოლების პოზიციებს 27-ჯერ გაუხსნეს ცეცხლი. სეპარატისტები მაღალკალიბრიან შეიარაღებასა და ყუმბარტმტყორცნებს იყენებდნენ. რამდენიმე ჭურვი დასახლებებში ჩამოვარდა. მსხვერპლისა და დაშავებულების შესახებ ინფრომაცია არ გავრცელებულა. Читать дальше...