8 მარტი - დღეს ქალთა დღეა
8 მარტი მიულოცეს ავღანეთში "მტკიცე მხარდაჭერის" მისიაში მყოფი ქართული ქვედანაყოფებში მომსახურე ქალ სამხედროებს.
მათ 23-ე ბატალიონის ალფა ასეულის მეთაურისგან საჩუქრები მიიღეს. ავღანეთში სამხედრო მისიაში მყოფ ქართულ კონტინგენტში სულ 13 ქალბატონი ირიცხება.
მათგან 4 ოფიცერია, 6 - სერჟანტი, ერთი კაპრალი, ერთი რიგითი და ერთიც სამოქალაქო პირი.
ისინი აქტიურად მონაწილეობენ ბაზების გამშვებ პუნქტებზე ჩხრეკაში, უშუალოდ ბაზის ტერიტორიაზე შემოსული პირების ესკორტირებასა თუ ყოველდღიურ საშტაბო საქმიანობაში.