Аԥсны аҭҵаарадыррақәа ракадемиа ахадас иалху Зураб Џьапуа арадио Sputnik аҟны иҳәеит аҵарауаа иааиуа ахәышықәсазы ҩаԥхьа агәрагара ахьирҭаз агәырӷьара аасҭа аҭакԥхықәра рацәа иднаҵоит ҳәа.
Азакәан анҳадаҳкыло иара харҭәазаароуп ҳәа азгәалҭеит арадио Sputnik Аԥсны аефир аҿы ицо адырраҭара "Коӷониаԥҳа лымҩаду" асас, азындырҩы Арифа Аӡынԥҳа.
Аҟәа ахада иалхразы ареферендум амҩаԥгара аҭахума - абри азы игәаанагара рҳәеит арадио Sputnik Аԥсны аефир аҿы ицо адырраҭара "Коӷониаԥҳа лымҩаду" асас, Аҟәа ақалақь инхо ашәҟәыҩҩы Дмитри Габалыиа.
Аҩажәатәи ашәышықәса иацымҩасыз инапылаҩыроу асалам шәҟәқәа репохеи, урҭ рыҩреи рзыԥшреи иацыз ацәанырра лыԥшаахқәеи дырзааҭгылоит Sputnik аколумнист Елеонора Коӷониаԥҳа.
Иацаҳҵоит аԥсуаа рытрадициатә культурала ахәыҷы иааӡареи ихьчареи ирыдҳәалоу аҵасқәеи аритуалқәеи рыӡбахә аиҭаҳәара. Шәаԥхьарц ишәыдаагалоит Нарҭдырреи адәынтәи афольклорҭҵаареи рцентр аҭҵаарадырратә усзуҩы, хҩык ахшара ран Есма Ҭодуаԥҳа лматериал.
Аҿартә театр ахәбатәи асезон зеиԥшрахо атәы арадио Sputnik Аԥсны аефир аҿы еиҭеиҳәеит атеатр адиректор Аслан Еныкь.
Ҩышықәса раԥхьа Гагра араион Ахадараҟны иаԥҵан аҿар русқәа рзы аҟәша ҿыц. Уи хықәкыс иамоуп еиҵагыло абиԥара адәы рацәыхьчара, ауаажәларратә, асоциалтә ԥсҭазаара ралархәра, аусхкқәа разкра. Абарҭқәа зегьы рынагӡара ахьынӡарылшо атәы ҳзеиҭеиҳәеит аҟәша аиҳабы Алан Макоев.
