ბლიც-შეკითხვები პუტინს

რუსეთის პრეზიდენტი, ვლადიმირ პუტინი ქვეყნის მოსახლეობის შეკითხვებს პასუხობს. შეკითხვები ძირითადად შიდაპოლიტიკურ საკითხებს შეეხება, მოსახლეობის ჯანდაცვის, სოციალური უზრუნველყოფისა და საყოფაცხოვრებო პირობების გაუმჯობესების მიმართულებით. თუმცა „პირდაპირ ხაზის“ წამყვანებმა რუსეთის პრეზიდენტს პირად საკითხებზეც დაუსვეს ბლიც-შეკითხვები;


ჟურნალისტი: რას აკეთებს პრეზიდენტი, როცა არ იცის, რა უნდა გააკეთოს?


ვლადიმირ პუტინი:  ვცდილობ გადაწყვეტილება ვიპოვო - „შეცდომას დიდი ფასი აქვს“.


ჟურნალისტი: დასცინის თუ არა პრეზიდენტი თავის თავს?


ვლადიმირ პუტინი: რა თქმა უნდა.


ჟურნალისტი: რომელ ხუმრობას მიიჩნევთ ბოლო დროს ყველაზე სასაცილოდ?


ვლადიმირ პუტინი: ამ ცოტა ხნის წინ ერთმა გერმანულმა გამოცემამ დაწერა, რომ ტრამპი ევროპას პუტინს უგდებს ხელებში. თუ გავიხსენებთ ბრალდებებსაც ამერიკის საპრეზიდენტო არჩევნებში რუსეთის ჩარევის შესახებ, სრული ბოდვა გამოდის.


ჟურნალისტი: რომელია რჩევა მამისგან, რომელსაც თქვენს შვილიშვილებს გადასცემდით?


ვლადიმირ პუტინი: არ მოიტყუო


ჟურნალისტი: როდის იწამეთ ღმერთის?


ვლადიმირ პუტინი: ეს ინტიმური საკითხია, ყველა ადამიანი ღმერთის რწმენით იბადება.