საქართველოს პარაძიუდოს ნაკრები ევროპის ჩემპიონია
საქართველოს პარაძიუდოს ნაკრებმა ისტორიაში პირველად ევროპის ჩემპიონის ტიტული მოიპოვა.
თბილისში გამართულ პარაძიუდოს ევროპის ჩემპიონატზე, გუნდურ შეჯიბრში ქართველმა პარასპორტსმენებმა იტალიის, საფრანგეთის, მოლდოვის და თურქეთის გუნდები დაამარცხეს.
ინდივიდუალურ ასპარეზობაში საქართველომ 9 მედალი მოიპოვა. ევროპის ჩემპიონები გახდნენ რევაზ ჩიკოიძე, გიორგი ქალდანი და ლევან გუგავა.