Опозициско движење прогласено за екстремистичко во Казахстан

Казахстанскиот суд донесе одлука дека опозициското политичко движење на Мухтар Аблијазов е екстремистичка организација. Аблијазов кој е во бегство и кој го критикува владеењето на претседателот Нурсултан Назарбаев заедно со други опозициски фигури го основаше движењето „Демократски избор за Казахстан“ во април, минатата година, чија цел, како што изјави, се демократски реформи во земјата. Според судот, движењето пропагирало насилна промена на уставниот поредок на Казахстан.