Вазифалары кысаларыннан чыгып, көч куллануда гаепләнгән Башкортстан полициясе хезмәткәре Илмир Әмирханов үз гаебен таныды. Ул кыйнаганнан соң операция ясатып, талагын алдырткан Денис Юмаголовка мораль зыян түләргә әзерлеген белдерде.
Казанда эшләүче гидлар Азатлыкка Иске татар бистәсендәге җитешсезлекләрне, сәяхәтчеләрне йөртергә су транспортының тәмам яраксыз хәлгә килүен сөйләде. Алар кибет, ресторан, кунакханәләрдә эшләүчеләр татар сүзләрен, гыйбарәләрне дә белергә тиеш ди.
18 декабрь Кырымда ике ай элек ялгыз пикетлар уздырган кырымтатарларга карата мәхкәмә утырышлары башланды. Аларга карата административ эш ачылган, әлегә уннан артык эш каралып, һәрберсенә унар мең сум күләмдә штраф салынган.
Мәскәү мәхкәмәсендә "Тәблигый җәмәгать" хәрәкәтәнең Мәскәү төркеме әгъзаларының эшен ябык тәртиптә карый башладылар. Алар экстремизмда гаепләнә.
Левада үзәге уздырган сораштыру нәтиҗәсенә караганда, җавап биргәннәрнең 60 проценты АКШны, 54 проценты Европаны тискәре кабул итә.
18 декабрь Русиядә президент сайлау кампаниясе рәсми башланды. Үз-үзен тәкъдим итүче намзәт теркәлер өчен 300 мең имза, фиркадән намзәтләре 100 мең имза җыярга тиеш.
ТИҮ фикеренчә, Дәүләт шурасы татар теленең дәүләт статусын юк итте, шуңа күрә ул үз-үзен таратып, яңа сайлау билгеләнергә тиеш.
