КПРФның Татарстан бүлеге җитәкчесе Хафиз Миргалимов үз фиркаләреннән президентлыкка тәкъдим ителгән намзәт Павел Грудининга милли телләр мәсьәләсен дә күтәрергә киңәш итәчәген белдерде.
Донецки белән Луһански "халык республикалары" фетнәчеләре һәм Украина тоткыннар алыша башлады. Киев үзбилгеләнгән республикаларга 306 тоткын җибәреп, 74 тоткынны кайтара.
Казан мәгариф идарәсе җитәкчесе Илсур Һадиуллин Татарстан мәгариф министрының беренче урынбасары итеп билгеләнергә мөмкин. Ул анда мәгариф өлкәсендәге гомум һәм милли мәгариф мәсьәләләре белән шөгыльләнер дип көтелә.
Кырымтатар халкы Мәҗлесе рәисе урынбасаралары Ахтем Чийгоз белән Илми Умеровның адвокаты Русия президенты идарәсен Русия мәхкәмәсенә шикаять иткән. Яклаучы Николай Полозов Мәҗлес урынбасарларының иреккә чыгарылулары турындагы документларны таләп итә.
27 декабрь татар милли хәрәкәте активисты Рәфис Кашапов Коми республикасы Ухта шәһәрендәге 19нчы кырыс шартлы колониядән азат ителде.
"Ростех" дәүләт ширкәте башлыгы Сергей Чемезов чүп яндыру корлымаларына каршы чыгыш ясаучы "экология өчен көрәшүчеләрнең, бигрәк тә чит илдәгеләрнең" объективлыгын шик астына куя.
Русия фәннәр академиясе академиклары һәм мөхбир әгъзалары, башка галимнәр Русия президентына ачык хат белән мөрәҗәгать итте. Алар Фәнни оешмаларның федераль агентлыгы эшчәнлегеннән канәгать түгел. Ачык хатка 400ләп галим имза куйган.
