Новости за 08.04.2024

Актанышның Киров авылында яшәүче Сабитовлар гаиләсе шушы көннәрдә Пучыдагы картлар һәм инвалидлар йортында ифтар уздырды. Бу хакта «Актаныш» сайтында Ләйсән Газизова хәбәр итә.

Самараның «Бердәмлек» газетасында Гүзәл Рамазанованың «Җылы әкиятләр» кызыклы да, гыйбрәтле» дигән язмасы чыкты.

Татарстанда иң түбән хезмәт хакы нигездә авыл хуҗалыгы белән шөгыльләнә торган районнарда теркәлгән. Бу хакта ТР Дәүләт Советының Дәүләт төзелеше һәм җирле үзидарә комитеты утырышында ТР икътисад министрының беренче урынбасары Олег Пелевин хәбәр итте. Бу турыда «Татар-информ» хәбәрчесе Надежда Гордеева яза.

Россия Президенты Владимир Путин станоклар өчен комплектлар җитештерүчеләргә өстәмә ярдәм күрсәтергә кушты. Моннан тыш, мондый производстволарны локальләштерү дәрәҗәсен арттыру өчен чаралар күреләчәк, диелә Кремль сайтындагы исемлектә.

Роскосмос Оренбург өлкәсендә һәм башка төбәкләрдә су басуны иярченнәрдән мониторинглау барышын күрсәтте. Фотолар дәүләт корпорациясенең телеграмм-каналында урнаштырылган.

30 марттан 8 апрельгә кадәр Иордания Хашимит Корольлеге башкаласы Амманда Коръән укучыларның XXXI халыкара конкурсы узды. Бу хакта Россия Мөфтиләр шурасы сайтында хәбәр ителә.

Бүген Яшьләр эшләре министрлыгы бинасында «Алтын каләм – Золотое перо» яшь журналистлар фестиваленә рәсми старт бирелде. Яшьләр эшләре министры Ринат Садыйков 3 җиңүченең югары уку йортына керергә сертификат алачагын әйтте.

Идел буе федераль округының барлык төбәкләре Оренбург өлкәсендә су басудан зыян күргән кешеләргә кирәкле ярдәм күрсәтергә әзер. Бу хакта Россия Президентының Идел буе федераль округындагы Тулы вәкаләтле вәкиле Игорь Комаровның матбугат хезмәтенә сылтама белән ТАСС хәбәр итә.

Татарстанда бу атнада җылы һава торышы көтелә, вакыт-вакыт явым-төшемнәр булачак. Бу хакта республиканың Гидрометеорология үзәге хәбәр итә.

Россия Кызыл Хачының Оренбург бүлеге Оренбург өлкәсендә су басудан зыян күрүчеләргә ярдәм җыя.

Смоленск өлкәсендәге Вязьма күпере җимерелгән мизгел төшерелгән видео социаль челтәрләрдә чыкты.

Россиядә ил продукциясен алга этәрү өчен масштаблы чара үткәрергә кирәк. Федераль һәм Мәскәү Хөкүмәтенә йөкләмәне Президент Владимир Путин бирде.

Россия башкаласында Ураза гаете бәйрәме көнендә - 10 апрельдә бәйрәм намазы Мәскәү Җәмигъ мәчетендә,Тарихи мәчет һәм Мәскәүнең Мемориаль мәчетендә Мәскәү вакыты белән иртәнге сәгать 7дә башланачак. Бу хакта Россия Мөфтиләр шурасы сайтында хәбәр ителә.

Алтын бәясе арта бара. Дүшәмбе, 8 апрельдә, кыйммәтле металл үз тарихында максимумны яңартты – бер унция 2, 361,7 доллар тора. Рекорд 13:46 сәгатьтә теркәлгән. Бу хакта Нью-Йорк Comex биржасы котировкаларына сылтама белән «Интерфакс» яза.

Бүген «Татар-информ»га Нурлат шәһәрендә яшәүчеләрнең берсе төшергән видеоны җибәрделәр. Кадрларда юл һәм каршыдагы йорт подъезды су астында калуы күренә.

КФУның татар әдәбияты кафедрасы профессоры, әдәбият галиме Фоат Галимуллин Габдулла Тукай музеенда Тукай Дәүләт премиясенә әдәбият өлкәсендә булган кандидатларның иҗатлары турында фикер алышуда катнашты. Аның фикеренчә, язучы, шагыйрь Рафис Корбан – җәмәгатьчелек арасында киң яңгыраш тапкан әдип.

Татарстанның Бөгелмә районы башлыгы Линар Закиров торак пунктлардагы гидротехник корылмаларның торышын тикшерде. 3 апрельдән муниципалитетта югары әзерлек режимы кертелде.

Казанның Киров районында торак төзелеше өчен 11 гектардан артык мәйданлы кишәрлек резервланган. Тиешле боерыкны Татарстан Премьер-министры Алексей Песошин имзалады.

Филология фәннәре кандидаты, Татарстаның атказанган мәдәният хезмәткәре, әдәбият галиме, тәнкыйтьче Равил Рахмани Габдулла Тукай музеенда Тукай Дәүләт премиясенә әдәбият өлкәсендә булган кандидатларның иҗатлары турында фикер алышуда катнашты. Ул язучы, шагыйрь, быел Тукай премиясенә кандидат Рафис Корбанның дөреслеккә омтылып иҗат итүе турында сөйләде.

Тиздән, 26 апрельдә, бөек татар шагыйре Габдулла Тукайның тууына 138 ел була. Казанда бу көнгә берничә тематик чара планлаштырылган, дип сөйләде эшлекле дүшәмбедә шәһәр Башкарма комитеты җитәкчесе урынбасары Гүзәл Сәгыйтова.

Оренбург өлкәсендә 8 апрель иртәсенә 10 меңнән артык йорт су басу зонасында калган, дип хәбәр итә РИА Новости.

Алар зарар килгән милек өчен бирелгән түләүләрнең күләменнән канәгать түгел.

Она показала блестящие результаты в матчи среди команд мальчиков 2015 г. р.

ТР Фәннәр академиясе Татарстанда заманча мәдәният торышын комплекслы тикшерергә планлаштыра. Бу хакта республика Финанслар министрлыгы матбугат хезмәте хәбәр итә.

Башкортстан Югары мәхкәмәсе Фаил Алсыновның шикаятен 18 апрель караячак.