Новости за 23.04.2024

Бүген Казан шәһәре һәм республика шәһәр-районнарының бер төркем эчке эшләр бүлеге ветераннары Кукмара районына килде. Алар Манзарас авылы зиратында җирләнгән Кукмарада туган Советлар Союзы Герое Сабир Әхтәмовның каберенә чәчәкләр салды, Герой исемен йөртүче белем йортында булды, музей белән танышты. Бу хакта «Хезмәт даны» сайтында Алсу Сәләхетдинова хәбәр итә.

11 майдан 15 майга кадәр Казанда ислам илләре арасында икенче Халыкара хоккей турниры узачак. Аны Ислам илләре хоккеен үстерү оешмасы белән «Ак Барс» хоккей клубы үткәрә. Чара «Россия - Ислам дөньясы: KazanForum» форумы кысаларында була. Керү түләүсез. Бу хакта оештыручыларның матбугат хезмәтендә хәбәр иттеләр.

Татарстанда ординаторлар укуның беренче 2 елында ашыгыч ярдәм станцияләрендә эшли алачак. Бу хакта Казан ашыгыч ярдәм станциясенең 110 еллыгын бәйрәм итү чарасында Татарстан сәламәтлек саклау министры Марсель Миңнуллин сөйләде, дип хәбәр итте «Татар-информ».

Татарстанның «Авторетроклуб «ГАЗ-21» инде 150 кешене берләштерә. Аның төп максаты – туган илдә машина төзелешен пропагандалау белән шөгыльләнүче кешеләрне туплау. Бу турыда ТР Сәүдә-сәнәгать палатасында клубның гомуми җыелышында Татарстан Дәүләт Советы Рәисе, оешманың президенты Фәрит Мөхәммәтшин әйтте. Дәүләт Советы матбугат хезмәте шул хакта хәбәр итә.

Бүген Татарстан Рәисе Рөстәм Миңнеханов катнашында Яшел Үзән районында «Дуслык» инновацион индустриаль-логистика паркы төзелешен башлап җибәрделәр. Проектны гамәлгә ашыру нәтиҗәсендә беренче этапта 2,5 мең, ә соңрак 3,5 мең яңа эш урыны булдырылачак. Бу турыда «Татар-информ» хәбәрчесе Наталья Рыбакова яза.

19 апрельдә Түбән Новгород өлкәсенең Кочко-Пожарки мәдәният йортында 7нче тапкыр «Нижгарбикә» бәйгесе булды. Бу хакта «Туган як» газетасының Вктонтакте социаль челтәрендәге сәхифәсендә хәбәр ителә.

Татарстан Рәисе Рөстәм Миңнеханов ике медицина хезмәткәренә мактаулы исемнәр бирү турындагы карарларны имзалады. Документлар Татарстан җитәкчесенең рәсми порталында чыкты.

Татарстан Рәисе Рөстәм Миңнеханов Яшел Үзән районында «Татлифт» заводын ачу тантанасында катнашты. Лифт җиһазлары производствосы «Яшел Үзән» сәнәгать паркы мәйданчыгында эшли башлый. Бу хакта Татарстан җитәкчесенең матбугат хезмәте хәбәр итә.

Татарстан Рәисе Рөстәм Миңнеханов республика финанс, казначылык һәм салым органнары киңәшмәсе барышында хезмәт хакын легальләштерү мәсьәләсе хакында әйтте. Бу турыда «Татар-информ» хәбәрчесе Александр Хевронин яза.

Татарстанда үзләрен торак фонды турында кайгыртырга тиеш түгел дип санаган берничә предприятие бар. Бу хакта республика Рәисе Рөстәм Миңнеханов Татарстан финанс, казначылык һәм салым органнары киңәшмәсендә белдерде. Бу турыда «Татар-информ» хәбәрчесе Александр Хевронин яза.

Интернетта Яшел Үзән районында көчле яңгыр нәтиҗәләре төшерелгән видеолар чыкты. Видеода суда батып калган автомобильләрне һәм күлләвектән баручы шәһәр кешеләрен күрергә була. Кайбер урыннарда су кешеләрнең тезенә җитә.

Татарстан Рәисе Рөстәм Миңнеханов социаль челтәрдәге сәхифәсенә язылучыларга начар һава шартларында үзләрен сакларга һәм урамга чыкмаска киңәш итте. Бу хакта ул Телеграм-каналында язган.

Татарстанда, узган ел белән чагыштырганда, бу ел башында икътисад үсеше темплары акрынайды. Шуңа да карамастан, керемнәр буенча беренче квартал азмы-күпме уңай булып чыкты. Татарстан Рәисе Рөстәм Миңнеханов финанс, казначылык һәм салым органнары киңәшмәсен шундый сүзләр белән башлады.

Удмуртиядә татар-башкорт көйләрен башкаручы балалар арасында бәйге була. Бу турыда Удмуртиянең «Яңарыш» газетасы социаль челтәрләрдә хәбәр итте.

23 апрельдә Болгар шәһәрендә «Тархан» тарихи-мәдәни конкурсының финал туры уза. Татарстан Мәдәният министрлыгы өченче тапкыр югары сыйныф укучыларын һәм көллият студентларын төрки тарихы һәм мәдәнияте буенча белемнәрен тикшерү өчен берләштерә. Бу хакта конкурс матбугат хезмәтендә хәбәр иттеләр.

Татарстан Рәисе Рөстәм Миңнеханов Бильярд спорты буенча халыкара турниры, Татарстан җитәкчесе кубогы (Дөнья кубогы) ачылышында катнашты. Ярышлар 23 апрельдән 27 апрельгә кадәр Бәшир Рәмиев исемендәге Казан ИТ-паркында уза. Бу хакта Татарстан Рәисенең матбугат хезмәте хәбәр итә.

Шул ук вакытта Татарстанның төп керемнәренең берсе — табыш салымы кимегән.

Бүген Буада көчле җил, яшен булган, боз яуган. Бөтен хезмәтләр дә табигый гарасат нәтиҗәләрен бетерү эшенә керешкән. Бу турыда Буа районы башлыгы Ранис Камаретдиновка сылтама белән «Татар-информ» яза.

Бүген Казанда «Киләчәкне сайлыйбыз!» «Парламент дәресе-2024» кысаларында уздырылган республика конкурсларында җиңүчеләрне бүләкләү тантанасы булды. Ул гадәттәгечә 27 апрельдә билгеләп үтелә торган Россия парламентаризмы көне алдыннан узды. Чарада Татарстан Дәүләт Советы Рәисе Фәрит Мөхәммәтшин катнашты.

Нурлатцев и гостей города и района приглашают принять участие в сельскохозяйственной ярмарке.

Татарстанның Дәүләт җыр һәм бию ансамбленең Пенза өлкәсе шәһәрләре һәм авыллары буенча гастрольләре тәмамланды. Бу якларда алар соңгы 25 ел эчендә беренче тапкыр узды. Бу хакта ТР Мәдәният минстрлыгы матбугат хезмәте хәбәр итә.

Диния нәзарәтенең низамнамәсе үзгәртелде һәм мөфтият турыдан-туры мөфти Равил Гайнетдин карамагына күчте.

Лисичанскида «Назначение» документаль фильмын төшерү башлана. Казанның танылган режиссеры Алексей Барыкин тамашачыга яңа Россия территориясен торгызуда катнашучы кешеләр турында сөйләүче чын вакыйгаларны күрсәтәчәк.

Соңгы елда (2023 елның 1 апреленнән 2024 елның 1 апреленә кадәр) Татарстанда социаль ярдәм алучы күп балалы гаиләләр саны 17,7 процентка яки 42 330 гаиләдән 51 478 гаиләгә (+9 148 гаилә) кадәр арткан. Бу хакта «Татар-информ»га ТР Хезмәт, халыкны эш белән тәэмин итү һәм социаль яклау министрлыгының матбугат хезмәтендә хәбәр иттеләр.

2023 елда Русия сатып алган чипларның 90 проценты Кытайдан килгән диелә. Аларны ракетлар, танклар һәм очкычлар җитештерүдә кулланганнар. Банкларга каршы чикләүләрне әгәр дә Пекинны Русиягә экспортын чикләү турында дипломатик юллар белән күндерә алмасалар гына кертмәкчеләр.