Новости за 13.06.2024

Актаныш районы хәрби комиссариатында Башкортстан Республикасы кешесе махсус хәрби операциягә барырга контракт төзеде. Александр Прокопьев заводта гади эшче булып эшли. Ул илдә барган вазгыятькә битараф түгел, һәрвакыт сәяси яңалыклар белән кызыксынып тора. Шуңа да Россиянең киләчәген хәл итүдә үз өлешен кертүне Александр Юрьевич үзенең намус эше дип саный. Бу хакта «Актаныш» сайтында Ләйсән Газизова яза.

«Заман» нәшрияты 6-9 июньдә Мәскәүдә узган X «Кызыл мәйдан» китап фестивалендә Татарстанны тәкъдим иткән. Күргәзмә нәтиҗәләре буенча Татарстан нәшрияты «Россия төбәкләрендә иң яхшы басма» номинациясендә «Елның иң яхшы китаплары - 2023» бәйгесенең дипломанты булган. Бүләкне «Лихачевы. Жизнь как служение Отечеству» китабы өчен тапшырганнар, бу басма Россия Журналистлар берлегенең «Елның иң яхшы китаплары - 2023» гомумроссия бәйгесе җиңүчесе дипломын да алган.

Казанда БРИКС уеннары турнирының беренче көне тәмам. Россия спортчылары инде алдынгылыкка чыкты – бүген алар берьюлы 13 алтын медаль яулады.

Камал театрында Флорид Бүләков пьесасы буенча Радик Бариев сәхнәләштергән «Сөясеңме, сөймисеңме...» спектакле 20 июньдә соңгы тапкыр уйнала. «Сөясеңме, сөймисеңме...» спектакле белән хушлашу була, дип хәбәр итә театрның матбугат хезмәте.

Сургут шәһәренең «Сандугач» татар мәдәнияте коллективының гастрольләре дәвам итә. Сургут татарлары милли-мәдәни автономиясенең «ВКонтакте» социаль челтәрендәге төркемендә шул хакта хәбәр ителә.

Татарстан Рәисе Рөстәм Миңнеханов Россия Хөкүмәтенә Казанда цифрлы финансларны сынау өчен өч еллык срокка махсус зона булдырырга тәкъдим итте. Шундый инициатива белән хатны республика җитәкчесе апрель уртасында язган һәм РФ Премьер-министры Михаил Мишустинга җибәргән, дип яза «Интерфакс» агентлыгы.

Башкортстан татарлары конгрессы социаль челтәрдәге сәхифәсендә хәбәр иткәнчә, Нефтекама шәһәренең «Белем» полилингваль мәктәбендә җәйге лагерьга йөрүче балалар белән «Кәккүк чәе» бәйрәме үткәргәннәр.

РФ Президенты Владимир Путин Россия нефтенә чик бәяләре кертелү сәбәпле җавап чаралары турындагы указның гамәлдә булу вакытын агымдагы ел ахырына кадәр озайтты. Шул хактагы документ хокукый актлар сайтында урнаштырылган. Искәртеп узабыз, элегрәк бу чаралар 30 июньгә кадәр гамәлдә булырга тиеш иде.

Татарстан Фәннәр академиясе сентябрьдә галимнәр өчен грант ярдәме күрсәтә башларга ниятли. Әлеге оешманың вице-президенты Марат Сафиуллин V Казан халыкара Евразия интеграциясе конгрессында шулай дип белдерде. Бу турыда «Татар-информ» хәбәрчесе надежда Гордеева яза.

Шонгуты (Шонгат авылы) — село в Апастовском районе Республики Татарстан, на реке Улема, в 12 километрах к северо-востоку от административного центра района — посёлка городского типа Апастово. Село Шонгуты известно с 1644 года. В дореволюционных источниках упоминается также как Ильинское.… Далее

Бүген Татарстан Дәүләт Советы Рәисе Фәрит Мөхәммәтшин Абхазия Республикасы Халык Җыелышы – Парламенты спикеры Лаша Ашуба белән очрашты. Республика парламентында узган очрашуда яклар Россия-Абхазия стратегик партнерлыгы кысаларында парламентара элемтәләрне алга таба үстерү мәсьәләләре хакында фикер алышты. Бу хакта ТР Дәүләт Советының матбугат хезмәте хәбәр итә.

Татарстанда һава торышы июнь нормасын 16 градуска узып китә. Гадәттә, бу көннәрдә уртача тәүлеклек температура +18 градус тирәсе тәшкил итә, ә хәзерге вакытта ул +25 градус. Өстәвенә, көн уртасында һава температурасы +34 градуска җитә һәм моның сәбәпчесе – антициклон перифериясе, аның үзәге Оренбургта урнашкан. КФУ профессоры Юрий Переведенцев шулай дип белдерде.

Бүген «Батыр» контракт буенча хәрби хезмәткә сайлап алу үзәгендә 44 яшьлек Рамил Бикмуллин контракт имзалады. Ул Юдинода әтисе тәрәзәдән ыргыткан кечкенә кызны коткара. Биш бала атасы Рамил Бикмуллин «Татар-информ» агентлыгына хәбәр иткәнчә, ул Россия Герое булу яки югары дәрәҗә алуны максат итеп куймый, бары тик тынычлык урнашуын тели.

Пенза өлкәсе губернаторы Олег Мельниченко Идел буенда сөт эшкәртү буенча иң зур предприятиеләрнең берсе булган «МОЛКОМ» акционерлык җәмгыяте хуҗасы, Пенза өлкәсенең Мактаулы гражданины, «Пенза өлкәсе татар милли-мәдәни автономиясе» төбәк иҗтимагый оешмасы Башкарма комитеты Президиумы әгъзасы, меценат Рәшит Хәйровны өченче дәрәҗә «Пенза өлкәсе каршындагы хезмәтләре өчен» ордены белән бүләкләде.

14 июнь көнне Германиядә Европа футбол беренчелеге башлана. Халыкара бәйгедә 24 ил катнаша. Азатлык бер ай барачак бу спорт бәйрәме турында саннар ярдәмендә аңлата.

5 июньдә Саратовтагы Ислам комплексында мөфти Рәсим хәзрәт Кузяхметов рәислегендә Саратов өлкәсе мөселманнары Диния нәзарәте Президиумы утырышы узды. Биредә Саратов өлкәсе мөселманнары Диния нәзарәте каршында Голәмәләр шурасы төзү турында игълан ителде. Бу хакта Россия Мөфтиләр шурасының матбугат хезмәте хәбәр итә.

Яшеренү урыны кешедән 500 метр радиуста булырга тиеш.

Татарстанга 2019-2026 елларга спорт инфраструктурасын үстерү өчен федераль бюджеттан 5,6 миллиард сумнан артык акча бүлеп бирелгән. Россия спорт министры урынбасары Алексей Морозов РФ Дәүләт Думасы Физик культура һәм спорт комитетының Казанда узган күчмә утырышында шулай дип белдерде. Бу турыда «Татар-информ» хәбәрчесе Арсений Кәримов яза.

В эти дни идет активная подготовка к празднику.

АКШтан соң бүген Британия дә Мәскәү биржасына, Дәүләт клиринг үзәгенә (НКЦ) һәм Дәүләт исәп-хисап депозитариена  чикләүләр кертте.

«Татар-информ» татар редакциясе һәм «Интертат» сайтының баш мөхәррире Рәмис Латыйпов Кызыл китапка кертелгән сирәк очрый торган үсемлек – «Иткызыл бармактамыр» (пальчатокоренник мясокрасный) тапты. Сәхләбчәләр – орхидеялар семьялыгына кергән үсемлек Арча районы төньягында, Яңа Кенәр авылы янында үсә.

Россия спортчысы Светлана Колесниченко синхрон йөзү буенча ярышларда ялгыз техник программада БРИКС уеннарында РФ җыелма командасы өчен беренче алтын медаль яулады. Бу хакта «Татар-информ» хәбәрчесе Дарья Сәйфиева яза.

Бүген Татарстан Рәисе Рөстәм Миңнеханов Таҗикстанның Россиядәге Гадәттән тыш һәм Тулы вәкаләтле илчесе Гөлмахмадзодо Давлатшох Курбонали белән очрашты. Бу хакта республика җитәкчесенең матбугат хезмәте хәбәр итә.

В эти дни в микрорайоне ведутся работы по водоснабжению двух улиц.

Евразия икътисади берлеге иң нәтиҗәле халыкара берләшмәләрнең берсенә әверелә. ТР Дәүләт Советы Рәисе Фәрит Мөхәммәтшин V Казан халыкара Евразия интеграциясе конгрессы ачылышында шулай дип белдерде. Бу хакта «Татар-информ» хәбәрчесе Надежда Гордеева яза.