Новости за 29.01.2025

Түбән Камада яшәүче пенсионерлар гаиләсе махсус операция башланганнан бирле йоннан эшләнмәләр әзерләп фронтка тапшыра. Гаилә хәтта өйдә чын бәйләү остаханәсе оештырган.

РФ Федераль Җыены Дәүләт Думасы АКШ конгрессыннан һәм Берләшкән Милләтләр Оешмасыннан Америка журналисты Такер Карлсонның белдерүен тикшерүне таләп итәчәк. Журналист Кушма Штатларның элеккеге Президенты Джо Байден администрациясе Россия лидеры Владимир Путинга һөҗүм әзерләве турында белдерде. Бу хакта ТАСС хәбәр итә.

Ульяновск өлкәсендәге Димитровград шәһәре мәктәпләрендә татар телен өйрәнүче балалар арасында «Туган ягым - минем йөрәгемдә» исемендәге иҗат бәйгесе узды. Бу хакта «Өмет» газетасы телеграм-каналы хәбәр итә.

Бюджет өлкәсендә эшләүчеләргә инде берничә елдан хезмәт хакы яңа система буенча түләнә башларга мөмкин, дип хәбәр итте РФ Хезмәт министрлыгы башлыгы Антон Котяков. Аның сүзләрен «Парламентская газета» китерә.

1 февральдә Мәскәүнең «Царицыно» музей-тыюлыгында «Прометей. Поэма Казанского огня» документаль фильмын күрсәтү һәм режиссер-документалист Дидар Оразов белән ачык диалог була. Чара «Шәһәр һәм кәсеп: Казанда очрашу. Идел буе татарларының традицион сәнгате» күргәзмәсе уңаеннан үткәреләчәк чаралар программасы кысаларында үткәрелә. Бу хакта Мәскәү татарлары автономиясе сайтында хәбәр итәләр.

Татарстан Республикасының Россия Федерациясендәге Тулы вәкаләтле вәкиле Равил Әхмәтшин Мәскәүнең 3 номерлы сугыш ветераннары госпиталендә Татарстаннан махсус операциядә катнашучы өч хәрби – Азат Гыйниятуллин, Артур Дементьев һәм Павел Калашкин белән очрашты. Алар бүген хәрби хастаханәдә дәваланудан соң тернәкләнү уза.

Рөстәм Миңнеханов Россия Гадәттән тыш хәлләр министрлыгының Татарстан Республикасы буенча баш идарәсе һәм Татарстан Республикасы Гадәттән тыш хәлләр министрлыгы коллегиясенең уртак утырышында Гадәттән тыш хәлләр министрлыгының янгын сүндерүче хезмәткәрләрен матди стимуллау чараларын уйларга кушты.

Татарстан Рәисе Администрациясе җитәкчесе һәм Татарстанның «Динамо» физкультура-спорт җәмгыяте дәүләт иҗтимагый оешмасы рәисе Әсгать Сәфәров бүген Казанда «Динамо» физкультура-спорт җәмгыяте советы пленумы утырышын уздырды. Ул республиканың «Динамо» физкультура-спорт җәмгыяте оешуга 99 ел тулуга багышланды.

Былтыр иң күп суррогат алкоголь эчеп үлүчеләр Кайбыч районында булуын Роспотребнадзорның Татарстандагы идарәсе җитәкчесе урынбасары Юлия Булатова республика Дәүләт алкоголь инспекциясенең киңәйтелгән утырышында әйтте.

31 гыйнварда 14:00 сәгатьтә Татарстан Журналистлар берлегендә журналист, язучы һәм рәссам, Татарстанның атказанган сәнгать эшлеклесе Дания Гайнетдинованы искә алу – «Гомер чишмәсе» дип исемләнгән иҗат кичәсе һәм авторның «Күкләр белән сөйләшү» исемле фотокүргәзмәсен ачу булачак.

«Татар-информ» мәгълүмат агентлыгының татар редакциясе һәм «Интертат» сайтының баш мөхәррире Рәмис Латыйпов редакция журналистларының Ясалма фәһем һәм нейрочелтәрләрне куллану тәҗрибәсе турында сөйләде. Мәсәлән «Интертат.татар» сайтында беренче татар нейрожурналисты эшли – язмалар ясалма интеллект ярдәмендә Яхъя Фәгыймов тәхәллүсе белән языла. Бу хакта ул «Татмедиа» Республика матбугат һәм массакүләм коммуникацияләр агентлыгы коллегиясенең йомгаклау утырышында чыгыш ясады.

Татарстан Дәүләт алкоголь инспекциясенең киңәйтелгән утырышында инспекция җитәкчесе Җәүдәт Әхмәтханов билгеләп үтүенчә, 14 районда республикада җитештерелгән алкогольне кулланучылар арткан.

Бүген, ТР мөселманнары Диния нәзарәтенең «Каһарман» хәйрия акциясенең өченче көнендә УАЗ автомобилен һәм аннан күчмә мәчет ясау өчен җиһазлар сатып алуга 2 176 987 сум акча җыелды. Акциягә Татарстанның барлык почмакларыннан һәм аннан читтә яшәүче мөселманнар кушылды һәм, мөмкинлегенә карап, 10, 20, 30 меңнән алып 1 миллион сумга кадәр акча күчерде. Бу хакта ТР Диния нәзарәте матбугат хезмәте хәбәр итә.

Бүгенге утырышта Комлеваны сак астында тоту вакытын 2025 елның 14 маена кадәр озайтканнар. Чираттагы утырыш 26 февральгә билгеләнгән.

29 гыйнварда Лениногорскиның Г. Тукай исемендәге Үзәк китапханәсендә күренекле язучы, журналист, тарихчы, ТР атказанган мәдәният хезмәткәре, Ш. Бикчурин исемендәге премия лауреаты Җәмит Рәхимовның тууына 90 ел тулуга багышланган «Нефть бишегендә туган әдип» исемле әдәби-музыкаль чара булып узды. Анда Татарстан Язучылар берлегенең Әлмәт бүлеге җитәкчесе Равил Сабыр катнашты. Бу хакта Язучылар берлегенең Әлмәт бүлеге хәбәр итә.

Татарстанның һәм Россиянең халык артисты Илһам Шакиров истәлегенә багышланган «Илһам чишмәсе» исемендәге V төбәкара җыр бәйгесенең I этабы узды. Жюри комиссиясендә булган Татарстанның халык артисткасы Зөһрә Шәрифуллина татар эстрадасы, сәхнә турындагы фикерләре белән уртаклашты.

Узган елда янгыннар һәм аларда үлүчеләр саны кимеде. Бу хакта Россия Гадәттән тыш хәлләр министрлыгының ТР буенча баш идарәсе һәм ТР Гадәттән тыш хәлләр министрлыгы коллегиясенең уртак утырышында Россия Гадәттән тыш хәлләр министрлыгының ТР буенча баш идарәсе башлыгы Ирек Кадамов сөйләде.

Татарстанда дроннар һөҗүме турындагы кисәтү соңгы мәртәбә бүген, 29 гыйнварга каршы төндә булды.

Татарстан Республикасы Фәннәр академиясе Президенты Рифкать Миңнеханов Альфред Халиков исемендәге Археология институты һәм «Миллиард.Татар» редакциясе белән берлектә оештырылган лекторийлар турында әйтте.

Раис Татарстана Рустам Минниханов принял участие в совместном заседании коллегий Главного управления МЧС России по РТ и МЧС Татарстана.

Иртәгә, 30 гыйнварда, Татарстанда аномаль җылылык фонында кабат һава торышы шартлары начараю фаразлана. Бу хакта ТР Гидрометеорология үзәге хәбәр итә.

Татарстан Рәисе Рөстәм Миңнеханов Гадәттән тыш хәлләр министрлыгы (МЧС) хезмәткәрләренә БПЛА һөҗүмнәре нәтиҗәләрен бетерүдә күрсәткән кыюлыклары өчен рәхмәт белдерде. Бу хакта ул Россия Гадәттән тыш хәлләр министрлыгының ТР буенча баш идарәсе һәм ТР Гадәттән тыш хәлләр министрлыгы коллегиясенең уртак утырышында әйтте.

Заманча видео киңлектә эшләү бик кыен һәм ул «гаять зур компетенцияләр» таләп итә. Бу хакта «Татмедиа» Республика матбугат һәм массакүләм коммуникацияләр агентлыгы коллегиясенең йомгаклау утырышында Татарстан Журналистлар берлеге рәисе, «Яңа Гасыр» телерадиокомпаниясе генераль директоры Илшат Әминов чыгыш ясады.

В общественной приемной Нурлатского местного отделения партии «Единая Россия» пройдет неделя приемов граждан.

Татарстанда предприятиеләргә патент нигезендә эшләүче чит ил гражданнарын икътисадның ун тармагында эшләү өчен җәлеп итүне тыйдылар. Әлеге чара агымдагы ел азагына кадәр гамәлдә булачак. Бу хакта указны Татарстан Рәисе Рөстәм Миңнеханов имзалады.