Новости за 03.05.2026

12-17 майда Казанда XVII «Россия – Ислам дөньясы: KazanForum» халыкара икътисади форумы кысаларында республика халкы һәм кунаклары өчен масштаблы спорт программасы оештырылачак. Программада Россия һәм халыкара дәрәҗәдәге зур турнирлар көтелә, дип хәбәр итте оештыручылар.

24 майда Үзбәкстанның Янгиюль шәһәрендә татар халкының милли бәйрәме – Сабантуй була. Бәйрәмне үткәрү урыны итеп традицион рәвештә шәһәрнең Үзәк аллеясы сайланган. Бу хакта Ташкент шәһәре татар иҗтимагый мәдәни-агарту үзәге хәбәр итә.

Россиялеләр җәмәгать урыннарында учак ягу кагыйдәләрен бозу очраклары турында ашыгыч хезмәтләргә хәбәр итә ала. Бу хакта ТАСС агентлыгына РФ Иҗтимагый палатасының закон проектларына һәм башка норматив актларга иҗтимагый экспертиза ясау комиссиясе әгъзасы Евгений Машаров белдерде.

Янгын Казанның Тынычлык урамындагы 12А номерлы йортта чыккан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча баш идарәсендә хәбәр иттеләр.

Россия Хезмәт министрлыгы альтернатив гражданлык хезмәтен үтү өчен һөнәрләр исемлеген киңәйтте. Хәзер исемлектә федераль һәм төбәк башкарма хакимият органнары тәкъдимнәре нигезендә формалаштырылган 363 позиция бар.

Казанда Җиңү көненә әзерләнү һәм бәйрәм чаралары үткәрү сәбәпле, берничә урамда һәм мәйданда транспорт хәрәкәте вакытлыча чикләнәчәк. Бу хакта шәһәр мэриясенең матбугат үзәгендә хәбәр иттеләр.

Пермь өлкәсе Барда районының «Тол буйлары» телевидениесе бөек татар шагыйре Габдулла Тукайның тууына 140 ел тулу уңаеннан «Тукай тавышы – халыклар җаны» дип аталган шигырь укучылар бәйгесе үткәргән. Бу хакта Бөтендөнья татар конгрессы хәбәр итте.

Чувашия Республикасының Шыгырдан авылы мәдәният йортында Батыр муниципаль округының «Профессор Э.З.Фәизов исемендәге Шыгырдан урта гомуми белем бирү мәктәбе» коллективын һәм укучыларын берләштергән зур бәйрәм чарасы узган. Бу хакта Бөтендөнья татар конгрессы хәбәр итте.

Казахстанның Сәмәй шәһәрендә татар яшьләре бөек татар шагыйрьләре Габдулла Тукай, Муса Җәлил һәм казах халкының мәшһүр шагыйре Абай Кунанбаев һәйкәлләрен зиярәт кылган. Бу хакта Бөтендөнья татар конгрессы хәбәр итте.

Казахстанның Семей шәһәрендә татар яшьләре бөек татар шагыйрьләре Габдулла Тукай, Муса Җәлил һәм казах халкының мәшһүр шагыйре Абай Кунанбаев һәйкәлләрен зиярәт кылган. Бу хакта Бөтендөнья татар конгрессы хәбәр итте.

Минзәлә районындагы Ык елгасында югалган икенче балыкчының мәете табылган. Бу хакта «Татар-информ» агентлыгына Россия Гадәттән тыш хәлләр министрлыгының Татарстан буенча баш идарәсендә хәбәр иттеләр.

Россиядә пенсионерлар берничә төрле салым ташламасыннан һәм социаль ярдәм чарасыннан файдалана ала. Алар арасында аерым объектлар өчен милек салымы түләүдән азат ителү, торак-коммуналь хезмәтләргә түләү өчен субсидияләр һәм капиталь ремонтка кертем түләү өчен компенсацияләр бар. Бу хакта Дәүләт Думасы депутаты, Гаиләне яклау, аталар, аналар һәм балалар мәсьәләләре комитеты рәисе урынбасары Мария Дробот хәбәр итте.

Россия Президентының матбугат секретаре Дмитрий Песков белдергәнчә, Россия лидеры Владимир Путинның Җиңү парадындагы чыгышы традицион рәвештә бик мөһим әһәмияткә ия булачак. Бу хакта «Вести» хәбәр итә.

Бердәм дәүләт имтиханына соңга калучылар имтихан үткәрү пунктына кертеләчәк, әмма алар өчен имтихан вакыты озайтылмаячак. Бу хакта Мәгариф һәм фән өлкәсендә күзәтчелек федераль хезмәтенең (Рособрнадзор) дәүләт йомгаклау аттестациясен үткәрү турында тәкъдимнәре язылган хатта әйтелә.

ТР спорт министры Владимир Леонов Татарстан башкаласында узучы Казан марафонының соңгы көненә йомгак ясады.

Хезмәт стажын һәм иминият кертемнәрен исәпкә алудагы хаталар, шулай ук армиядә хезмәт итү яки эшсезлек буенча пособие алу чорлары исәпкә алынмый калу булачак пенсия күләмен киметергә мөмкин. Бу хакта Россия халык хуҗалыгы һәм дәүләт хезмәте академиясе эшмәкәрлек, хезмәт һәм корпоратив хокук кафедрасының өлкән укытучысы Татьяна Голубева сөйләде.

Узган төндә Казанның Аркылы Базар урамындагы 59 йортта балконда янгын чыккан. «Татар-информ»га Россия Гадәттән тыш хәлләр министрлыгының ТР буенча баш идарәсендә хәбәр итүләренчә, дүртенче каттагы балконда әйберләргә ут капкан. Янгынның мәйданы 1 квадрат метр тәшкил иткән. Якынча мәгълүматларга караганда, янгынның сәбәбе – ут белән саксыз эш итү.

Владимир Никитин Казанда узучы ярышларда ир-атлар арасындагы марафонда җиңү яулады һәм 42,2 километрлы дистанциядә Россия рекордын яңартты.

Александр Ольков Казан марафонында 21,1 километрлы дистанциядә җиңүче булды. Ул 1 сәгать 2 минут 34,3 секунд нәтиҗә күрсәтте һәм рекорд куйды. Бу хакта марафонның телеграм-каналында хәбәр ителә.

Россиянең барлык дәүләт университетлары электрон студент билетларын куллануга күчте. Бу хакта Россия фән һәм югары белем министрлыгы урынбасары Андрей Омельчук хәбәр итте.

Бүген, Казан марафонының йомгаклау көнендә, Татарстан башкаласында марафон буенча Россия чемпионаты уза.

Татарстан башкаласында Казан марафоны кысаларында 42,2 һәм 21,1 километрлы дистанцияләргә йөгерү ярышлары башланды.

Казанда «Корстон» сәүдә үзәге янында ут капкан автомобильне видеога төшергәннәр. Видео шәһәрнең интернет-берләшмәләренең берсендә урнаштырылган.

Казанда 1947 елда төзелгән, шәһәрнең иң иске стадионнарының берсе булган олимпия резервындагы «Ракета» спорт мәктәбен капиталь төзекләндерү эшләре дәвам итә. Ремонт барышын Казан мэры Илсур Метшин тикшерде, дип хәбәр итә Казан мэриясе матбугат хезмәте.

6 майда 18:00 сәгатьтә Татарстан Милли китапханәсендә чит ил студентлары катнашында «Җиңү җырлары» дип аталган музыкаль-әдәби кичә була. Бу хакта Милли китапханә телеграм-каналында хәбәр итте.