Нәбиуллина: Яхшы уңыш көзен инфляцияне төшерергә булышачак

Россиядә бөртеклеләрдән яхшы уңыш көтелүе көз көне инфляцияне акрынайтуга уңай йогынты ясар дип көтелә. Әмма бу илдә уздырыла торган акча-кредит сәясәтенә йогынты ясау факторы булмаячак. Бу хакта «Татар-информ» соравына җавап биреп, РФ Үзәк банкы рәисе Эльвира Нәбиуллина әйтте.

«Көз көне яхшы уңыш - дезинфляция факторы, ул инфляцияне төшерергә ярдәм итәчәк. Әмма азык-төлеккә бәяләр тирбәнеше - бу сезон алмашу кысаларында гадәти эш һәм бу акча-кредит сәясәтенә йогынты ясый торган фактор түгел. Чөнки акча-кредит сәясәте тотрыклы факторларга җавап бирә, ә азык-төлек бәяләренең тирбәнеше вакытлы гамәл факторы булып тора», - дип аңлатты Нәбиуллина.

Элегрәк «Татар-информ» хәбәр иткәнчә, Россия Банкы бүген төп ставканы 8 процентка кадәр киметкән.