Новости за 23.06.2016

შალვა ნათელაშვილი ვაშინგტონში ვიზიტს განაგრძობს. პრეზიდენტობის ყოფილ კანდიდატთან ტედ კრუზთან შეხვედრის შემდეგ ლეიბორისტული პარტიის ლიდერმა მოლაპარაკებები კონგრესმენებთან გამართა. შალვა ნათელაშვილი შეხვდა რიჩანრდ ჰადსონს, დონალდ ფეი-ნის, დან-ქან ჰან-თერს და სხვებს. შეხვედრებზე ძირითადად საქართველოში წინასაარჩევნოდ არსებული ვითარება განიხილეს, საუბარი შეეხო მედიის თავისუფლებას, მათ შორის რუსთავი 2-ის საქმესაც.

თბილისის ისტორიული აბანოები პროტესტის ნიშნად ისევ დაიხურა. რამდენიმე თვის წინ დაწყებული დავა გოგირდის აბანოებსა და წყალგამანაწილებელ კომპანიას შორის ამ დროისთვის უკვე სასამართლოში გრძელდება. წყალზე დადგენილი ახალი ტარიფის გამო აბანოების მფლობელებს სოლიდური დავალიანება დაუგროვდათ, რომლის გადახდასაც ვერ ახერხებენ. აბანოთუბანში გამართული საპროტესტო აქცია დღეს პოლიციასთან დაპირისპირებაში გადაიზარდა.

სახელმწიფო უსაფრთხოების სამსახურმა სახელმწიფო ბიუჯეტიდან თანხის მითვისების ბრალდებით 5 პირი დააკავა. გამოძიება მათ 13 ათას ლარს ედავება. საუბარია ლიფტების სარეაბილიტაციო სამუშაოებთან დაკავშირებით გაფორმებულ კონტრაქტებზე, რომელიც მერიის დაქვემდებარებაში მყოფი სამსახურის თანამშრომლებმა საკუთარ ნათესავებს გაუფორმეს. 

ევროსაბჭოს საპარლამენტო ასამბლეის მონიტორინგის კომიტეტის შუალედური საინფორმაციო ანგარიში გასაჯაროებული არ იქნება, ეს გადაწყვეტილება კომიტეტის სხდომაზე მიიღეს. თუმცა ცნობილია, რომ დახურულ კარს მიღმა საუბარი იყო ყველა იმ პრობლემურ საკითხზე რომლებიც საქართველოში წინასაარჩევნოდ დგას.

საპარლამენტო არჩევნებთან ერთად ქორწინებასთან დაკავშირებით რეფერენდუმის ჩასატარებლად ხელმოწერების შეგროვება კვლავ გრძელდება. მიუხედავად იმისა, რომ ხელისუფლება და მმართველი გუნდი ინისიცატივასთან კავშირს ყველა განცხადებაში გამორიცხავენ, როგორც ცნობილი გახდა მოსახლეობის ხელმოწერების შეგროვება საჩხერის რაიონში რაიონის მაჟორიტარი დეპუტატის მანანა კობახიძის ოფისში ხდება.

სასაზღვრო გამშვები პუნქტი ყაზბეგი ევაკუირებულია. ამის მიზეზი დევდორაკის ხეობიდან მიღებული ზვავსაშიშროების სიგნალი გახდა.

პრემიერმინისტრის აზრით, გამჭვირვალე საარჩევნო პროცესი რამდენიმე ფაქტორზე იქნება დამოკიდებული. გიორგი კვირიკაშვილმა ამ კონტექსტში დღეს ოპოზიცია, მედია და არასამთავრობო სექტორიც ახსენა და ერთ-ერთ მთავარ გამოწვევად ადმინისტრაციული რესურსის გამოყენების შეზღუდვა დაასახელა.

სტრასბურგში ევროსაბჭოს საპარლამენტო ასამბლეის მონიტორინგის კომიტეტმა საქართველოს შესახებ შუალედურ ანგარიშზე იმსჯელა. დოკუმენტი კომიტეტის წევრებმა თბილისში ვიზიტის შემდეგ მოამზადეს.

ამ წუთებში ცნობილი ხდება, რომ გერმანიის ქალაქ ვიერნ-ჰაიმის კინო თეატრში შეიარაღებული თავდასხმა მოხდა. ნიაღბიანმა მამაკაცმა შენობაში ცეცხლი გახსნა. გავრცელებული ცნობით დაშავებულია 25 ადამიანი. თავად თავდამსხმელი კინოთეატრში რჩება. შენობა პოლიციის ალყაშია. ჯერჯერობით უცნობია თავდამსხმელი მარტოა შენობაში თუ მძევლებიც ჰყავს აყვანილი.

პრეზიდენტსა და სასჯელაღსრულების მინისტრს შორის შეხვედრა რამდენიმე წუთის წინ დასრულდა. მათ ციხეში ყოფილი მაღალჩინოსნებისთვის შექმნილ პირობებზე ისაუბრეს. მათ შორის საუბარი შეეხო ვანო მერაბიშვილის საქმესაც.

ვანო მერაბიშვილის საქმესთან დაკავშირებით ევროსაბჭოს საპარლამენტო ასამბლეის დეპუტატების სპეციალურ განცხადებას და მოთხოვნას უმრავლესობის წევრები ეხმაურებიან.

ერთიანი ნაციონალური მოძრაობა ევრსაბჭოს საპარლამენტო ასამბლეის წევრების დეკლარაციას ეხმიანება. სალომე სამადაშვილის თქმით, ევროპელი პოლიტიკოსები შეშფოთებას გამოხატავენ იმის გამო, რომ საქართველოში მართლმსაჯულება გამოიყენება პოლიტიკური დევნისა და შევიწროების მიზნით.

სამგორის რაიონის გამგეობის თანამშრომლები თანამდებობებს ტოვებენ. 13 მათგანი სამსახურიდან საკუთარი გადაწყვეტილებით მიდის. ისინი აპირებენ შეუერთდნენ ირაკლი შიხიაშვილის პოლიტიკურ მოძრაობას.

„ვფიქრობ, რომ მისი დაპატიმრება ყველაზე სწორი გადაწყვეტილება იქნება," - შინაგან საქმეთა მინისტრი გიორგი მღებრიშვილი ოკუპირებული აფხაზეთის ე.წ. სამხედრო პროკურატურის მიერ გიგა ოთხოზორიას განზრახ მკვლელობაში ბრალდებულ რაშიდ კანჯი ოღლის დაპატიმრების მოთხოვნას ეხმაურება.

სახალხო დამცველის განცხადებით, ვანო მერაბიშვილის საკნიდან გაყვანის ფაქტზე გამოძიება აქამდეც უნდა ჩატარებულიყო.

საპარლამენტო უმცირესობაში რუსთავი 2-ის განჩინების ფოსტით გამოგზავნას ეხმაურებიან. ოპოზიციაში აცხადებენ, რომ როდესაც სააპელაციო სასამართლოს მხრიდან ხდება პროცესუალური ნორმების დარღვევა, ეს ყველაფერი აჩენს ბევრ კითხვას, სამაუწყებლო კომპანიის საქმესთან დაკავშირებით.

ერთ საათში სტრასბურგში ევროსაბჭოს საპარლამენტო ასამბლეის მონიტორინგის კომიტეტი საქართველოს შესახებ მომზადებულ შუალედურ ანგარიშზე იმსჯელებს. დოკუმენტი კომიტეტის წევრებმა თბილისში ვიზიტის შემდეგ მოამზადეს. მასში საუბარია წინასაარჩევნო გარემოზე და რუსთავი 2-ის საქმეზე.

რუსთავი 2-ის გარშემო მიმდინარე მოვლენებზე დილიდან კეთდება განცხადებები პარლამენტში. უმრავლესობის წევრის გედევან ფოფხაძის განცხადებით, თუ რუსთავი 2 ჩათვლის, რომ პროცედურა დაირღვა, ტელეკომპანიას შეუძლია,გაასაჩივროს. მისივე თქმით, თუ კანონია დარღვეული, ამას სასამართლო გადაწყვეტს.

სააპელაციო სასამართლოს მხრიდან ასეთ მოკლე ვადაში გადაწყვეტილების დასაბუთების მომზადება და ამ გადაწყვეტილების პროაქტიულად ჩაბარებას უპრეცედენტო ფაქტად აფასებს საერთაშორისო გამჭვირვალობა საქართველო.

ე.წ. კანონიერი ქურდის დავით გერლიანის, ზედმეტსახელად სვანის დაკავებისთვის, საქართველოს პრემიერმინისტრი გიორგი კვირიკაშვილი შინაგან საქმეთა სამინისტროს ღონისძიების ეფექტურად ჩატარებისთვის მადლობას უხდის.

ატენის ქუჩაზე, ადგილობრივი მოსახლეობის პროტესტს, 27 სართულიანი კორპუსის მშენებლობასთან დაკავშირებით, უშიშროების საბჭოს მდივანმა უპასუხა.

მთავრობის კანცელარიაში ამ წუთებში სხდომა მიმდინარეობს. მინისტრთა კაბინეტის წევრები დღის წესრიგით გათვალისწინებულ საკითხებს განიხილავენ.  

Government meeting is underway in the State Chancellary now . Cabinet members are considering the agenda issues.

Kortskheli incident- Policeman was shot at near his house in the early morning . The identity of the attackers and the motive is unknown.

დაჭრა კორცხელში - დაცვის პოლიციელს საკუთარ სახლთან გამთენიისას ესროლეს. თავდამსხმელთა ვინაობა და მოტივი უცნობია.