ცხინვალში ჩააქრეს ხანძარი თვითგამოცხადებული პრეზიდენტის ადმინისტრაციაში
ცხინვალიდან გავრცელებული ცნობებით, მეხანძრეებმა ჩააქრეს ხანძარი თვითგამოცხადებული რესპუბლიკის პრეზიდენტის ადმინისტრაციის ორ შენობას შორის გადასასვლელში. სააგენტო "ტასი" თვითგამოცხადებული რესპუბლიკის ადმინისტრაციაზე დაყრდნობით იუწყება, რომ ხანძარი შესაძლოა გამოიწვია სხვენზე მოკლე ჩართვამ და მან 150 კვ. მეტრზე მეტი ფართობი მოიცვა. დაშავებულები არ არიან.