Azatlygyň radiosynyň Marydaky habarçysy 27-nji sentýabrda, Garaşsyzlyk baýramynyň bellenýän gününde welaýat paýtagtynda gündiz hiç bir baýramçylyk çäresiniň bolmandygyny habar berýär.
Eýran Birleşen Ştatlary öz daşary işler ministrine, Nýu-Ýorkda BMG-niň Baş Assambleýasyna gatnaşýan mahalynda, şäherdäki hassahanda bejergi alýan eýran diplomatyny sorap gaýtmaga rugsat bermändigi üçin tankyt etdi. ABŞ häkimiýetleri Eýranyň daşary işler ministri Mohammad Jawad Zarife Nýu-Ýorkuň diňe alty blogynyň çäginde galmak çäklendirmesini girizdiler. ABŞ-nyň Döwlet departamenti, eger-de Eýran “ýalňyşlykda tussag edilen” ABŞ raýatlaryny azat etse, özüniň Zarife BMG-däki ilçi Majid Takht Rawançi görmäge rugsat berjekdigini aýtdy. Читать дальше...
Türkmenistanyň we türkmenistanlylaryň durmuşy bilеn bagly gyzykly pursatlary şekillendirýän fotosergi.
Trampyň hususy aklawçysy Rudi Juliani Ermenistanda Kremliň howandarlygynda geçirilýän çärä gatnaşmagyny garaşylmadyk ýerden, birden goýbolsun etdi. Bu çärä rus prezidenti Wladimir Putiniň hem gatnaşmagyna garaşylýar. “The Washington Post” 27-nji sentýabrda prezident Donald Trampyň ukrain prezidenti Wladimir Zelenskiý bilen eden telefon gürrüňindäki esasy gapma-garşylykly şahs bolan Julianiniň telefon söhbetdeşliginde bu konferensiýada guralýan diskussiýa gatnaşmagy planlaşdyrýandygyny tassyklandygyny habar berdi. Читать дальше...
ABŞ-nyň Ukrainadaky ýörite wekili Kurt Wolker işden çekildi. Bu barada, öz çeşmelerine salgylanyp, AP we “Roýters” agentlikleri habar berýär. Bu bäşinji gün, amerikan aňtaw gullugynyň anonim işgäriniň ABŞ-nyň prezidenti Donald Trampyň ukrain prezidenti Wladimir Zelenskä basyş eden bolmagynyň ähtimallygy baradaky şikaýaty çap edilenden soň boldy. Dokumente laýyklykda, ABŞ-nyň prezidenti ukrain kärdeşinden ABŞ-nyň ozalky wise-prezidenti Joe Baýdeniň oglunyň Ukrainadaky işini derňemegi haýyş etdi. Читать дальше...
Ýetginjek klimat aktiwisti Greta Thunberg, klimat özgermesinden abanýan howp-hatlardan habardarlyk we dünýä liderlerini ýyladyşhana gazlaryny azaltmakda has kän tagalla etmäge çagyrmagyň çäginde, Montrealda 500 müň çemesi adamlyk protestiň öňüni çekdi. 16 ýaşyndaky şwed gyzy 27-nji sentýabrda hususy ýagdaýda kanadanyň premýer-ministri Justin Trudeau bilen hem duşuşdy, emma soňra metbugat ýygnagynda onuň global maýlama sebäp bolýan kömürturşy gazlary azaltmak boýunça ýeterlik tagalla etmeýändigini aýtdy. Читать дальше...
Surhanderýaly 37 telekeçi şu ýylyň başynda Türkmenistandanyň "türkmensement" kärhanasyndan sement almak üçin 1,1 million dollar töledi, emma olara ne sement, ne-de pullaryny yzyna almak başardy.
Owganlar, “Talyban” hüjümlerinden we öňki saýlawlarda mahsus bolan saýlaw galplyklaryndan gorky arasynda, uzak wagt gijä goýlan prezident saýlawlarynda ses berýärler.
