10 август Түбән Камада коммунистлар фиркасе пенсия яшен арттыруга каршы чара үткәрде. Анда илдәге реформаларның халыкка бернинди файдасы булмавы, хәерчелек һәм тәртипсезлекнең артуы турында чыгышлар ясалды. Чарага дүрт йөзләп кеше килде.
Татарстанда Тикшерү комитеты республиканың яман шешкә каршы тору фондыннан акчалар урлау нигезендә җинаять эше ачкан. Эш караклык һәм вазифа кысаларыннан чыгу маддәләре нигезендә ачылган.
Җомга рубль курсының түбәнгә тәгәрәве дәвам итте. Ул 9 августта АКШның Русиягә яңа чикләүләр кертүе турындагы хәбәрдән соң төшә башаган иде. Мәскәү биржасы ачылу минутларында доллар бәясе 67 сумнан артып китте.
Европада иминлек һәм хезмәттәшлек оешмасының Донбасстагы күзәтү миссиясе пилотсыз очкычы Русия-Украина чиге аша хәрби техника узуын теркәгән.
Русия президенты якын араларда пенсия яшен арттыру планнарын "активрак аңлатуга" керешәчәк. Русия думасында икенче укылышка кадәр үк ул бу мәсьәләдә берничә белдерү ясар дип көтелә.
Татарстандагы бердәнбер, Чаллыда урнашкан бәби тартмасына 9 август иртән тагын бер бала калдырып киткәннәр. Аның тууына нибары ике сәгать тирәсе генә булган.
Бу сугышка икътисади, сәяси, кирәк икән башка чаралар белән җавап бирергә туры киләчәк, дип саный Русия премьер-министры.
Иваново шәһәрендәге җәмигъ мәчетнең икенче өлешенә якын тирәдәге өлкәләрдән кунаклар чакырылып тантаналы шартларда нигез ташы салынды. Бу төбәктә татар тарихы болгар дәүләте чорына ук барып тоташа, ди җирле имам.
