Новости за 27.07.2016

მთავრობის ადმინისტრაციაში პრემიერმინისტრს და მინისტრებს შორის შეხვედრა დასრულდა. ინფორმაცია რამდენიმე წუთის წინ გახდა ცნობილი. 

28 აგვისტოს ნიუ იორკის madison square garden-ში ​ MTV-ის ჯილდოს მფლობელებს გამოავლენენ. უკვე ცნობილია ფავორიტების ვინაობა.

ჰილარი კლინტონი დემოკრატების პრეზიდენტობის ოფიციალური კანდიდატია. ფილადელფიაში მიმდინარე ყრილობაზე ყოფილი სახელმწიფო მდივანი ქვეყნის ლიდერის თანამდებობაზე ოფიციალურად წარადგინეს და პირველი ქალი გახდა, რომელიც პრეზიდენტის სავარძლის დასაკავებლად იბრძოლებს.

კიდევ ერთი კორუფციული სკანდალი და მერიის დაკავებული მაღალჩინოსანი. მერიის უსაფრთხოების საქალაქო სამსახურის უფროსის მოადგილე იმ დროს დააკავეს, როცა მან უცხოელ ბიზნესმენს ქრთამის ნაწილი გამოართვა.

ოპერაში დაწყებული დავა სამართლებრივ სივრცეში ინაცვლებს. ოპერის ყოფილი სამხატვრო ხელმძღვანელის დავით კინწურაშვილის თქმით, მის წინააღმდე აგორებული კამპანიის ერთ-ერთ მთავარ მოქმედ გმირთან ის სამართლებრივი დავის დაწყებას გეგმავს. თამარ ივერს ოპერის ყოფილი სამხატვრო ხელმძღვანელი მორალური ზიანისთვის სასამართლოში დაუპირისპირდება.

ამბასადორიალის ფარგლებში დიპლომატიური კორპუსის წარმომადგენლები მთავრობის ეკონომიკური გუნდის წევრებს შეხვდნენ. ტექნო პარკში დიპლომატები მიმდინარე რეფორმებს და სამომავლო პროექტებს გაეცნენ.

კორცხელში არჩევნების დღეს მომხდარი დაპირისპირების შესახებ კახა კალაძეს ჟურნალისტებთან საუბარი არ სურს. არასამთავრობო ორგანიზაციების წარმომადგენლები კი ამბობენ, რომ ვიცე პრემიერი კალაძე გამომძიებლების მიერ უნდა დაიკითხოს, ამის მიზეზად კი მესამე სექტორში კალაძის მიმართ დაგროვებულ კითხვებს მიიჩნევენ. 

ამერიკის ეროვნულ დემოკრატიული ინსტიტუტის მორიგი კვლევების პირველი ნაწილი დღეს გასაჯაროვდა. მოსახლეობის პოლიტიკური განწყობა უახლოეს მომავალში გახდება ცნობილი. მანამდე კი, კვლევის შედეგების მიხედვით, ირკვევა, რომ გამოკითხულებს ყველაზე მეტად დასაქმება აწუხებთ და სამუშაო ადგილების არ არსებობას - 56%-ით ნომერ პირველ პრობლემად ასახელებენ, სიღარიბე გაიზარდა 62%-ისთვის, გამოკითხულთა 33% კი ფიქრობს, რომ საქართველო არასწორი მიმართულებით ვითარდება.

რამდენიმე საათიანი გამოკითხვა დასრულებულია. რეზიდენტის ოჯახის წევრმა, მინდია გოგოჭურმა, მთავარი პროკურატურის შენობა დატოვა. 

წინასაარჩევნო პერიოდის შესახებ პარტიებისა და არასამთავრობო ორგანიზაციების მხრიდან მიწოდებული ინფორმაცია მოისმინა უწყებათაშორისმა კომისიამ. კანონის თანახმად, თავისუფალი და სამართლიანი არჩევნებისათვის ჩამოყალიბებული მექანიზმი მეორე სხდომას მართავს.

მოსამართლეების და ქვეყნის უმაღლესი პირების შანტაჟის მცდელობის ფაქტებზე სავარაუდოდ, გაფართოებული შეხვედრა შედგება, რომელშიც ხელისუფლების ყველა შტოს პირველი პირი მიიღებს მონაწილეობას. მანამდე კი, პროკურატურას ჩვენებებს მოსამართლეები აძლევენ. საკონსტიტუციო სასამართლოს პლენუმის ყველა წევრს უწყება უკვე ჩაბარებული აქვს.

საკონსტიტუციო სასამართლოს თავმჯდომარე უახლოეს პერიოდში საქართველოს მთავარ პროკურორს ირაკლი შოთაძეს შეხვდება. განცხადება პაპუაშვილმა რამდენიმე წუთის წინ, პრემიერთან გამართული შეხვედრის შემდეგ გააკეთა. 

მთავრობის ადმინისტრაციაში მინისტრები იკრიბებიან. რამდენიმე წუთის წინ კანცელარიაში საგარეო საქმეთა მინისტრი მიხეილ ჯანელიძე, შინაგან საქმეთა მინისტრი გიორგი მღებრიშვილი, იუსტიციის მინისტრი თეა წულუკიანი, კულტურის მინისტრი მიხეილ გიორგაძე და განათლების მინისტრი ალექსანდრე ჯეჯელავა მივიდნენ.

სომხეთის ოპოზიცია ირწმუნება, რომ პოლიციის შენობაში მყოფ შეიარაღებულ პირებს ექიმები მძევლად არ აუყვანიათ. მათივე თქმით, აქტივისტები მზად არიან მედიკოსები გაათავისუფლონ, თუ მათ სხვა ბრიგადა ჩაანაცვლებს.

ახალგაზრდა ქალისა და 3 წლის ბავშვის მკვლელობაში ბრალდებული ხვალ სასამართლოს წინაშე წარსდგება. ფონიჭალაში მომხდარი სასტიკი დანაშაული სამართალდამცველებმა 5 თვიანი გამოძიების შემდეგ დაასრულეს. მამაკაცი, რომელმაც დედა-შვილს დანით ათობით ჭრილობა მიაყენა, ოჯახის ახლობელია.

მთავრობის ადმინისტრაციაში ამ წუთებში საქართველოს პერმიერმინისტრისა და საკონსტიტუციო სასამართლოს თავმჯდომარეს შორის შეხვედრა იწყება. შეხვედრაზე გიორგი კვირიკაშვილი და გიორგი პაპუაშვილი მოსამართლეებზე ზეწოლის ფაქტების შესახებ ისაუბრებენ. 

აფეთქება გერმანიაში. საერთაშორისო მედიის ინფორმაციით, აფეთქება ბავარიაში, ერთ-ერთ დევნილთა მიმღებ ცენტრთან მოხდა. არსებული ინფორმაციით, შემთხვევის შედეგად არავინ დაშავებულა.

საქართველოს მთამსვლელთა გაერთიანებული ფედერაციის ინიციატივით უშბის ექსპედიცია დაიწყო. 5 ქართველი მთამსვლელი ამჟამად, უშბის ჩრდილოეთ მწვერვალზე იმყოფება. ბიძინა გუჯაბიძე, ზურა კვესტაძე, ბექა ფაჯიშვილი, ლევან ბუიღლიშვილი და ირაკლი გუჯაბიძე მყინვარზე 26 ივლისს ავიდნენ. 

თბილისის ოპერისა და ბალეტის სახელმწიფო თეატრის ყოფილი სამხატვრო ხელმძღვანელის დავით კინწურაშვილის თქმით, მის მიმართ განვითარებული მოვლენები იყო დადგმული კამპანია და ის ერთ-ერთ არტისტს, თამარ ივერს ასახელებს და მის წინააღმდეგ სასამართლოში სარჩელის შეტანას აპირებს.

ცოტა ხნის წინ ცნობილი გახდა, რომ ოპერისა და ბალეტის თეატრის უკვე ყოფილი სამხატვრო ხელმძღვანელი თამარ ივერს სასამართლოში უჩივლებს.

თბილისის ოპერისა და ბალეტის სახელმწიფო თეატრის ყოფილი სამხატვრო ხელმძღვანელი დღემდე კამერებთან არ გამოჩენილა. დღეს კი მან ინტერვიუ რუსთავი 2-ს მისაც. დავით კინწურაშვილის მიაჩნია, რომ არანაირი არგუმენტი არ არსებობდა იმისთვის, რომ მას საკუთარი ნებით დაეტოვებინა თანამდებობა. მისივე თქმით, ეს იყო მის მიმართ დაგეგმილი კამპანია.

წინასაარჩევნო პერიოდის შესახებ პარტიებისა და არასამთავრობო ორგანიზაციების მხრიდან მიწოდებულ ინფორმაციას ისმენს ამ წუთებში უწყებათაშორისი კომისია.

საქართველოს პრემიერმინისტრი, გიორგი კვირიკაშვილი გურიანიუსის ჩოხატაურის ოფისში, ივლიტას ბიბლიოთეკაში გურიის ოთხივე მუნიციპალიტეტიდან წარჩინებულ სტუდენტებსა და ოქროს მედალოსნებს შეხვდა.

„ჩვენ აქტიურად ვმუშაობთ იმაზე, რომ შიდა კვარტალური გზები უფრო მეტად მოწესრიგდეს"- ეს განცხადება თბილისის მერმა NDI-ის კვლევის შედეგთან დაკავშირებით გააკეთა, რომლის მიხედვით, გამოკითხულთა აზრით, დედაქალაქში ყველაზე მნიშვნელოვანი საკითხები სამუშაო ადგილები, გარემოს დაბინძურება და გზებია.

"ციფრებზე დაყრდნობით მე არ ვფიქრობ, რომ ინფლაციასთან, ფასების ზრდასთან დაკავშირებით რაიმე სერიოზული საკითხი არის საქართველოში,"- ეს განცხადება ეროვნული ბანკის პრეზიდენტმა გააკეთა.