Интеграцијата на Западен Балкан во ЕУ преовладуваше во реториката на лидерите од регионот кои денеска се собраа во Скопје. Претседателката на Северна Македонија го пречека и грчкиот министер за надворешни работи, но немаа билатерална средба.Сиљановска Давкова ќе ја чека новата влада за да каже став дали поддржува испраќање оружје на Киев, но порача дека однесувањето на Северна Македонија е во согласност со европската политика.
Меѓу гостите во Скопје се претседателите на Албанија, Косово, Црна Гора, но и шефот на грчката дипломатија што е прва посета на висок грчки претставник по реакциите на Грција кон новата власт околу Преспанскиот договор.
Над 800 пожари кои во изминативе пет години зафатиле шумски појаси предизвикале штета од над 55 милиони евра, покажуваат податоците на Центарот за управување со кризи. Со високите летни температури расте бројот на пожари, а македонските институции кубурат со кадар и ресурси за справување со нив.
