ძირს დაგდებული, ხელებშეკრული დემონსტრანტი სპეცრაზმელებს წრეში ჰყავთ მოქცეული. ისინი ახალგაზრდა კაცს მუშტებით, წიხლებით უსწორდებიან, შემდეგ მიათრევენ და აკავებენ - ეს არის ერთ-ერთი ყველაზე მძიმე კადრი, რომელიც 13 მაისს, დილით, პარლამენტის მიმდებარე ტერიტორიიდან გავრცელდა, თუმცა, არა ერთადერთი.
თბილისში „აგენტების კანონის“ საწინააღმდეგო აქციები არ წყდება. რუსთაველის გამზირზე, პარლამენტის შენობის წინ, ძირითადად, სტუდენტები არიან შეკრებილი. მათ ახალგაზრდული მოძრაობა „დაფიონის“ წევრები და სხვა სტუდენტები შეუერთდნენ.
საპარლამენტო უმრავლესობის ნაწილი, „ხალხის ძალა“, აცხადებს, რომ „ხელისუფლებამ უნდა იმსჯელოს“, „იმსახურებენ თუ არა“ საქართველოს პარტნიორი ქვეყნების საგარეო საქმეთა მინისტრები და სხვა მაღალჩინოსნები ქვეყანაში შემოშვებას. "ხალხის ძალა“ მათ „ნაციონალური მოძრაობის“ მხარდამჭერებს უწოდებს და საქართველოს ხელისუფლებაზე „თავდასხმებში“ ადანაშაულებს.
საპენსიო სააგენტო გეგმავს, 600 ათასი ლარი დახარჯოს სარეკლამო კამპანიაში. ამ ფულით უწყება აპირებს მომსახურების შესყიდვას ტენდერის გარეშე, კომპანიებთან პირდაპირ დადებული ხელშეკრულებებით.
13 მაისს ვისაუბრეთ საფრთხეებზე, რომლებსაც „აგენტების კანონით" ქმნის "ქართული ოცნება". კანონპროექტის მესამე მოსმენას იურიდიულ საკითხთა კომიტეტში ზუსტად 64 წამი დასჭირდა. ვუძღვებით: ნინო გელაშვილი, რადიო თავისუფლების ჟურნალისტი და ზაზა შენგელია, EPRC უფროსი მკვლევარი.
პოლიციამ დღეს, 13 მაისის დილით, პარლამენტთან აქციაზე 20 ადამიანი დააკავა. შინაგან საქმეთა სამინისტროს პრესსამსახურის ინფორმაციით, მოქალაქეები დააკავეს წვრილმანი ხულიგნობისა და პოლიციის მოთხოვნისადმი დაუმორჩილებლობისთვის.
საქართველოს პარლამენტის შენობასთან, სადაც მოქალაქეები „აგენტების კანონს“ აპროტესტებენ, პოლიციამ კიდევ რამდენიმე ადამიანი დააკავა. იურიდიულ საკითხთა კომიტეტის სხდომაზე ამ კანონპროექტის მესამე მოსმენით განხილვა დილით, 09:00 საათზე, უნდა დაიწყოს.