د بغلان ولایت د فلول کلی یو له هغو سیمو ده چې سېلابونو ورته ډېر زیانونه اړولي دي. د ملګرو ملتونو د ماشومانو د ملاتړ صندوق شمېرې هم ښيي چې د دولسو زرو کورونو په ویجاړېدو او زیانمنېدو سره په دې سېلابونو کې د څلوېښتو زرو ماشومانو په ګډون اتیا زره کسان اغېزمن شوي دي. نور په راپور کې:
د پاکستان تر واک لاندې کشمیر په سرښار مظفر اباد کې د مې له ۱۰مې احتجاجونه روان دي. دا احتجاجونه د اوړو او بجلۍ يا برېښنا د لوړو بيو خلاف کېږي. احتجاج کوونکي وايي چې د مظاهرو پرمهال امنیتي ځواکونو ډزې ورباندې کړي چې درې مظاهرچيان پکې وژل شوي دي.
د سرکاري پلاوي مشر او د بلوچستان صوبايي اسمبلۍ سپیکر عبدالخالق اڅکزي ويلي د احتجاج کوونکو وړانديزونه به د صوبې اعلا وزير ته رسوي. نوموړي د مې پر ۱۳مه د امريکا غږ ډيوه راډيو ته وويل چې دا مسله په داسې طریقه هوارول غواړي چې ریاست او پرلتوال دواړه تاوان ونه کړي.
د بشري حقونو فعالان د او د ورکو کسانو خپلوان د خلکو د بې درکه کولو تور د هغه هېواد پر امنیتي او استخباراتي ادارو پورې کوي او ادعا کوي چې ځینې کسان يې په "جعلي نښتو" کې وژل شوي هم دي، خو پوځ او استخباراتي ادارو دا تورونه په وار وار رد کړي دي.
د مې پر ۱۳مه، د پاکستان تر واک لاندې کشمير کې درې مظاهرچيان هغه وخت په ډزو ووژل شول چې رينجرز ځواکونو یې د احتجاج د مخنيوي هڅه کوله.
د مراکش په یو کلي بني عمار کې د یوې مېلې پر مهال د خرو ځغاسته شوې ده. د مېلې منتظمین وايي چې له ځغاستې یې دا پیغام ورکول غوښتل چې خلک چې له خرو ډېر کار اخلي، باید یې ژوند ته د نورو څارویو او ځناورو په څېر پام وکړي. د اې اېف پي له ویډیو جوړ رپورټ.
