Әйелін аса қатыгездікпен қинап өлтірді деп айыпталған экс-министр Қуандық Бишімбаев 24 жылға сотталды. || Атырау облысында Жайық өзенінің деңгейі көтеріліп, елдімекендерге қауіп төндірді. || Петропавлда су тасқынынан қаза тапқан адамның мүрдесі табылды.
Атырау облысында Жайық өзені арнасынан асып, елді мекендерге қауіп төндіре бастады. Үкімет Атырау өңіріне топан су алдағы төрт-бес күнде келеді деп болжап отыр. Қазірдің өзінде Индер мен Махамбет аудандарында қауіпті межеден асып отыр.
20-ғасырдың 20-50-ші жылдары советтік саяси қуғын-сүргінге ұшырағандарды толық ақтау үшін құрылған мемлекеттік комиссия жұмысы былтыр желтоқсанда аяқталған. Комиссия 311 мың саяси құрбанды ақтап, 72 томдық кітап шығарды. 6 миллионнан астам құжат пен материал зерделеніп, құпия белгісі алынып тасталды.
