Грузия парламенті «шетел агенті» туралы заң жобасын соңғы үшінші оқылымда мақұлдап, ел астанасындағы наразылықты ушықтырып жіберді. Заң жобасының артында Кремлдің қолы тұр деген жұрт парламент ғимаратын басып алуға оқталды. Полицияның демонстранттарға күш қолданғаны айтылды.
Словакия премьер-министрі Роберт Фицоға қастандық жасалды. || Құлсарыда тасқын судан зардап шеккен тұрғындар баспана өтемақысын құрылыс компанияларына емес, өздеріне аударуды талап етті. || Дубай қалай Қазақстанның "екінші астанасы" атанды? "Власть" басылымының зерттеуі || 9 мамырда Совет одағының туын көтеріп жүргендермен шекісіп, 5 күнге қамалған белсенді абақтыдан шықты.
Су тасқынынан зардап шеккен Құлсары қаласында тұрғындар өтемақы мәселесіне наразы. Құрылыс компанияларына сенім жоғын айтқан халық жаңа үй салуға жұмсалатын қаражатты қолға беруді талап етеді.
Қазақстандық «Власть» сайты OCCRP зерттеушілерімен бірге Дубайдан жылжымайтын мүлік алған билік өкілдері мен олардың туыстары туралы көлемді зерттеу жариялады. Тізімде экс-президенттің туыстарынан бастап, премьер-министр, министр, әкім болғандардың әйел, балалары бар.
Үйін су басқан бір топ адам бүгін Ақтөбе әкімдігіне келіп, облыс әкімімен кездесуді талап етті. Олар «үйімізді су басқалы бір жарым ай өтсе де, шығын қалай өтелерін білмей отырмыз» дейді. Тұрғындарды әкімдік ішіне полиция жібермей тұрды. Әкім кездесуге шыққан жоқ.
13 мамырда Алматы соты журналист Жәмила Маричеваның ProTenge Telegram арнасында Азаттық радиосын қолдап жазған жазбасын "жалған ақпарат" деп тауып, авторға 74 мың теңге айыппұл салды. Арыз берген полицей жазбаның қай тұсы "жалған" екенін білмей шатасты. Ал заңгер мен журналист мұны "сөз еркіндігіне қысым" деп біледі.
"Азаматтық некедегі әйелін өлтірді" деп айыпталған бұрынғы ұлттық экономика министрі Қуандық Бишімбаев пен оның "қылмысты жасырды" деп айыпталған туысы Бақытжан Байжановқа шыққан үкімді қоғам әртүрлі қабылдады. Жәбірленуші тарап сот ұйғарымына "келіссе", феминистік белсенділер "өмір бойы түрме жазасына кесуді" талап етіп көшеге шықты. Ал құқық қорғаушылар үкімге "қоғам пікірі мен істің саяси жағы әсер етті" дейді.
