د جرمني صدراعظمه له خپل چینايي سیال سره پر سوداګرۍ غږېږي
د جرمني صدراعظمې انګلا مېرکل نن د چین له صدراعظم لي کيکيانګ سره د دواړو هېوادونو ترمنځ د سوداګرۍ په اړه خبرې وکړې. دا په داسې حال کې ده چې د ايران له اټمي تړونه د واشنګټن له وتلو وروسته د سوداګرۍ په برخه کې اندېښنې راپورته شوې دي. مېرکل له بشري حقونو نيولې تر ساينس او ټکنالوژۍ پورې پر دوامداره سلا مشورو ټينګار وکړ. ټاکل شوې ده چې مېرکل نن وروسته د چين له ولسمشر شي جين پېنګ سره هم وګوري. وروسته له هغه چې مېرکل خپل نوی حکومت جوړ کړ، دا چین ته د دې لومړی سفر دی او تر دې مخکې دا امریکا او روسیې ته هم تللې ده.
