په پاکستان کې د فبرورۍ پر اتمه تر ټولټاکنو وروسته د ځینو ګوندونو غړو او پلویانو خوشالۍ کړې دي او ځینو د غیر حتمي نتیجو پرضد مظاهرې کړې دي. د فبرورۍ پر نهمه په پښین کې د پښتونخوا ملي عوامي ګوند او په کورمه کې د نوماندانو پلویانو احتجاجونه کړي دي خو په بر دیر کې د تحریک انصاف پلویانو د خپلو نوماندانو بریا لمانځلې. ویډیويي رپورټ.
اوکراینۍ وایولیتا اولینیک یو وخت ګاڼې جوړولې، خو اوس د خپل هېواد اردو سره د مرستې لپاره لاس په کار شوې او ورته نظامي ډرونونه جوړوي. نور په ویډیو کې کتلی شئ:
په پاکستان کې د فبرورۍ پر اتمه د شویو پارلېماني انتخاباتو غیر حتمي نتیجې راروانې دي چې له مخې یې تر اوسه داسې ښکاري چې د قامي اسمبلۍ زیاتې څوکۍ د پاکستان تحریک انصاف ملاتړ لرونکو خپلواکو نوماندانو ګټلې دي. د هغو ازادو امېدوارانو بریا د انتخاباتي عمل او په راتلونکې کې د وفاقي حکومت جوړېدو په اړه شکونه او اندېښنې پیدا کړې دي. پر دې موضوع مو له سیاستوال او شنونکي افراسیاب خټک سره مرکه کړې ده.
په پاکستان کې دا ځل د قامي او صوبايي اسمبلیو څوکیو لپاره ټول ۱۷،۸۱۶ کسان نوماندان ول چې لوی شمېر یې خپلواک امېدواران ول. له هغوی څخه یې ډېری د پاکستان تحریک انصاف (پي ټي ای) سیاستوالان یا د هغه ګوند ملاتړ لرونکي ول
په افغانستان او پاکستان کې به مو ډله ييز ودونه ليدلي يا په اړه اورېدلي وي، خو دا دود په دا وروستيو کې د هند د ګجرات ايالت په احمد اباد کې هم تر سره شوی دی. د فبرورۍ پر څلورمه د ګجرات يوه خيريه بنسټ د ۱۲۹ هغو جوړو د ودودنو انتظام کړی وو چې په اقتصادي توګه بې وزله ول. د رويټرز اژانس له ويډيو جوړ رپورټ.