World News in Pashto
Апрель
2024

Новости за 03.04.2024

Mashaalradio.com 

افغان کډوال له پاکستانه د ایستل کېدو خبرونو اندېښمن کړي دي

د پاکستان د سيند او پنجاب صوبايې حکومتونو تر راتلونکي وړوکي اختر وروسته يو ځل بيا د افغان کډوالو د ايستلو پلان جوړ کړی او په دې لړ کې یې پوليسو او نورو چارواکو ته لارښوونې هم کړي دي. د کراچۍ په افغان کيمپ کې کډوال وايي، پولیسو یې په وروستیو کې د پیسو لپاره ځورول بيا پيل کړي دي. ویډیويي رپورټ.

Pa.azadiradio.com 

تایوان کې زلزلې لږترلږه ۹ کسان وژلي او سلګونه نور یې ټپیان کړي

نن سهار د ریښتر په کچه ۷،۴ درجې زلزلې تایوان ولړزاوه. د لومړنیو راپورونو پر اساس، په دې زلزله کې ۹ کسان وژل شوي او له ۹۰۰ ډېر ټپیان دي. د تایوان چارواکو ویلي، تر ۱۲۰ ډېر کسان د نړېدلو ودانیو لاندې بند پاتې دي. دا په تېرو ۲۵ کلونو کې په تایوان کې بې مخینې زلزله بلل کېږي.

Mashaalradio.com 

تايوان کې زلزلې يوشمېر کسانو ته مرګژوبله اړولې ده

په تايوان کې يوې زورورې زلزلې لږ تر لږه اووه کسان وژلي او سلګونه نور يې ژوبل کړي دي. د امریکا د ځمکپوهنې ادارې ویلي دي چې پر رېښتر پیمانې د اپرېل درېیمې د زلزلې شدت ۷،۴ وو. تر زلزلې سمدستي وروسته د جاپان په ګډون په ګاونډیو هېوادونو کې د څونامي خبرداری ورکړل شو، چې ځینو یې وروسته بېرته واخيست. د اسوشيېټېډ پرېس اژانس له ويډيو جوړ رپورټ

Mashaalradio.com 

سېنېټ انتخابات: پیپلز ګوند ۱۱ او مسلم لیګ (ن) ۶ څوکۍ ګټلې دي

ټاکل شوې وه چې د اپرېل پر دویمه د خيبر پښتونخوا د اسمبلۍ غړو هم د سېنېټ په انتخاباتو کې برخه اخیستې وای خو کمېشن د ځانګړو څوکيو پر سر د جنجال له امله کمېشن هلته ټاکنې وځنډولې او د سېنېټ له پاتې ۳۰ څخه پر ۱۹ څوکیو انتخابات وشول.

Mashaalradio.com 

بیجنګ له پاکستانه چینايي وګړو او پروژو ته د بشپړ امنیت ورکولو غوښتنه کړې ده

د چین د بهرنیو چارو وزارت د اپرېل پر دویمه د خپل ویاند وانګ وېنبېن د خبري غونډې متن خپور کړی دی چې پکې راغلي چې د پاکستان د ترهګرۍ ضد چارو ولاتړ کوي او په دې اړه له اسلام اباد سره له نېږدې په اړیکه کې دی.

Mashaalradio.com 

د کراچۍ په لیارۍ کې د کرېکټ شپنۍ لوبې دوام لري

د کراچۍ په لیارۍ کې په روژه کې د شپې د کرېکټ سیالۍ اوس یو دود ګرځیدلی دی چې له تېرو څو لسیزو تاریخ لري. د شپې د کرېکټ د سیالیو مینه وال او لوبغاړي وايي چې دا سیالۍ ورسره تر سهاره پورې په ویښ پاتې کېدو کې مرسته کوي او دوی په وجود روغ او صحت مند ساتي. په کراچۍ کې خلک د تراویح له لمانځه وروسته د کرېکټ سیالیو ته ټولیږي. په دغه اړه د رویټرز خبري اژانس د یوې ویډیو پښتو بڼه دلته کتلی شئ: