په پاکستان کې د ایران د راکټي برید وروسته د اسلاماباد او تهران ترمنځ د رامنځته شوې ترینګلتیا په دوام، پاکستان له تهرانه خپل سفیر ورغوښتی او په اسلاماباد کې یې د ایران سفیر ته د بېرته ورتګ اجازه نه ده ورکړې. خبري اژانسونو خبر ورکړ چې سپاه پاسداران په پاکستان کې د جیش العدل دوه مرکزونه په نښه کړي
په پاکستان کې د فبرورۍ پر اتمه په داسې حال کې عام انتخابات اعلان شوي دي چې پخوانی وزیراعظم عمران خان په زندان کې دی، ګوند یې په عدالتونو کې په یوشمېر مقدمو کې مصروف دی او نور ګوندونه هم پر ټاکلي وخت د انتخاباتو کېدو یا نه کېدو په اړه شکونه لري. په همدې حال کې امنیتي وضع هم د ډاډ وړ نه بلل کېږي. په مشال تر رڼا لاندې خپرونه کې مو پر همدې موضوع بحث کړی دی.
پاکستان له تېرو شاوخوا درېیو ورځو راهیسې د تورخم دروازه د ټرانزیټ پر مخ تړلې ده. د پولو دواړو خواوو ته سوداګر وايي، د دې لارې تړل دوی ته ډېر مالي زیان اړولی دی.
ایران د پاکستان پر خاوره حمله تر هغې شاوخوا یوه میاشت وروسته کړې ده چې جیش العدل ډلې د هغه هېواد د سیستان-بلوچستان ولایت په راسک کې پر پولیسو د یوه برید ذمه واري ومنله. په هغه برید کې ۱۱ ایراني پولیس وژل شوي ول.
په بنګلادېش کې له کلونو راهیسې پر بایسېکلي رکشو رنګارنګ انځورونه جوړېږي او لیکنې ورباندې کېږي. خو د رکشو چلوونکي وايي چې له وخت تېرېدو سره پر رکشو د نقاشۍ کار کمېږي او پر ځای یې نوې مشیني رکشې استعمالېږي. دا چې هغه رکشې ولې هنري نمونې بلل کېږي، په اړه یې د اې اېف پي له ویډیو جوړ رپورټ وګورئ.
