په روغتیا او درملنه خپرونه کې نن په تریخي کې د ډبرو پر جوړېدو، د دې پر علاماتو، تشخیص او درملنې مفصل بحث لرو. په خپرونه کې خبرېږئ چې تریخی څه کار کوي او ولې پکې کاڼي جوړېږي. له دې پرته اورئ چې په کوم صورت کې د تریخي د جراحۍ اړتیا وي او په کومو صورتونو کې یې نه وي. بشپړه خپرونه واورئ.
د پښتون ژغورنې غورځنګ (پي ټي اېم) فعالانو په لاهور کې د خپل مشر منظور پشتین د خوشې کولو لپاره مظاهره کړې ده. دا په داسې حال کې ده چې پولیسو د جنورۍ پر ۲۸مه د ښار په ازادۍ څلورلاره (لېبرټي چوک) کې د مظاهرې پر مهال د غورځنګ یوشمېر غړي ونیول او د ګلبرګ پولیسو مرکز ته یې انتقال کړل. پولیس وايي، په لاهور کې پر ولسي غونډو بندیز وو او د غورځنګ غړي یې له مظاهرې منع کړل، خو پر دې سربېره هغوی احتجاج ته دوام ورکړ نو ځکه یې اووه تنه نیولي دي. د پي ټي اېم فعالانو تر دې وروسته د لاهور په ګارډن ټاون کې احتجاج وکړ. Читать дальше...
د پاکستان بهرنيو چارو وزارت د جنورۍ پر ۲۹ مه پر اېکس لیکلي دي چې عبداللهیان د پاکستان بهرنيو چارو وزير جلیل عباس جيلاني سره د ليدو لپاره د بهرنیو چارو وزارت ته ورغلی دی.
د جنورۍ پر ۲۷مه د عدالتي خبرونو راپوروونکيو خبریالانو اتحادیې په يوه خبرپاڼه کې د نګران حکومت دا کړنې وغندلې او دا يې د بیان د ازادۍ د تروړلو يوه هڅه وبلله.
هندي او پاکستاني سرتېري له ۱۹۵۹ز کال راهیسې هر مازیګر پر اټاري – واهګه پولې د خپلو بیرغونو ښکته کولو ځانګړي مراسم ترسره کوي چې زرګونه خلک یې لیدو ته ورځي. هندي او پاکستاني سرتېري د هغو مراسمو پر وخت یو بل ته زور ښيي او داسې ښکاري چې ښايي ترمینځ یې جګړه پیل شي خو دا هر څه یو پوځي دود دی چې له پخوا راهیسې یې پالي. د رویټرز اژانس له ویډیو جوړ رپورټ.