Новости за 08.02.2024

Дар Тоҷикистон тобистони гузашта ҳосили писта хуб набудааст. Камҳосилӣ ба тағйироти иқлим рабт дода мешавад. Аз ин пештар фаровонии писта нархи онро дар бозорҳои кишвар анадаке поён бурда буд.

​Раиси Кумитаи замин дар Тоҷикистон гуфт, ҷузъиёти гуфтушунидҳо бо Қирғизистон бар сари хати марз то имзои созишномаи ниҳоӣ махфӣ хоҳад монд. Ин нукта нигарониҳоро дар бораи чӣ гуна тақсим шудани заминҳои баҳсӣ ба вуҷуд овардааст.

Дар вилояти Маскав пешниҳод кардаанд, ки муҳоҷиронро аз маҳаллаҳои аҳолинишин “бикӯчонанд”. Раиси собиқи Федератсияи муҳоҷирон Вадим Коженов мегӯяд, тибқи нақшаи мақомот, бошгоҳҳо барои муҳоҷирон дар назди ҷойи кори онҳо, аз ҷумла дар маҳалли сохтмон ва марказҳои боррасонӣ, ташкил карда хоҳад шуд.

Интихоботи порлумонии Покистон рӯзи 8-уми феврал ва дар шароити буҳрони иқтисодиву сиёсӣ ва афзоиши ҳамлаҳои маргбор доир шуд. Мизони таварррум дар Покистон низ ба 30 дарсад баробар буда, яке аз машҳуртарин сиёсатмадорони ин кишвар - собиқ сарвазир Имрон Хон дар зиндон аст.

Раиси Кумитаи замин дар Тоҷикистон гуфт, ҷузъиёти гуфтушунидҳо бо Қирғизистон бар сари хати марз то имзои созишномаи ниҳоӣ махфӣ хоҳад монд. Ин нукта нигарониҳоро дар бораи чӣ гуна тақсим шудани заминҳои баҳсӣ ба вуҷуд овардааст.

Ташхиси марзи Тоҷикистону Қирғизистон 90% ба анҷом расидааст; ҷанҷоли муҳоҷирон бо маъмурони бозоре дар вилояти Маскав; интихоботи умумии Покистон; коҳиши ҳосили писта дар Кӯлоб ва матолиби дигар.

Як муҳоҷири тоҷик дар Русия, ки ба гуфтаи наздиконаш барои паҳн кардани наворҳои "Ҳамос" дар шабакаҳои иҷтимоӣ боздошт ва бенишон шуда буд, дар боздоштгоҳи Кумитаи давлати амнияти миллии Тоҷикистон дар Душанбе нигаҳдорӣ мешавад.

Додгоҳи ноҳияи Бектемири шаҳри Тошканд рӯзи 7-уми феврал шаҳрванди Русия, соҳибкор Дилшод Тӯрахоҷаевро 15 сол аз озодӣ маҳрум кард. Ӯ ба "Ғоратгарӣ" гунаҳкор дониста шуд.

Кумисюни марказии интихобот ва раъйпурсии Озарбойҷон гуфт, президенти ҳозира Илҳом Алиев дар интихоботи пеш аз муҳлат беш аз 92 дарсади овозҳоро ба даст овардааст. Интихобот рӯзи 7-уми феврал гузашт.

Вазири нақлиёти Тоҷикистон мушкили дастрас кардани рухсатнома ва гаронии нархи онро, ки боис ба сарсонии даҳҳо ронанда дар сарҳад бо Узбекистон шудааст, шарҳ дод.

Вазири саноат ва технологияҳои нав мегӯяд, Тоҷикистон барои истеҳсоли электромобил (мошинҳои барқӣ) ҳама гуна ашёи хом ва тавоноии фанновариву муҳандисиро дорад. Шералӣ Кабир рӯзи 8-уми феврал гуфт, гузаштан ба истеҳсоли электромобил "як тамоюли ҷаҳонӣ аст".

Раиси Кумитаи забон мегӯяд, ҷонибдори истифода аз истилоҳҳои тоҷикӣ ба ҷойи русиву забонҳои дигари хориҷӣ дар қонунҳо ва номи идораҳои давлатӣ аст.

Раиси Кумитаи забон мегӯяд, ҷонибдори истифода аз истилоҳҳои тоҷикӣ ба ҷойи русиву забонҳои дигари хориҷӣ дар қонунҳо ва номи идораҳои давлатӣ аст.

Як ниҳоди илмӣ дар Тоҷикистон хоҳони баркандани нимпайкараи Абдулло Раҳимбоев дар маркази шаҳри Хуҷанд ва табдили гӯшаи ба номи ӯ дар Осорхонаи вилояти Суғд шудааст.

Овоздиҳӣ дар интихоботи порлумонии Покистон 8-уми феврал, баъд аз як рӯзи ҳамлаҳои маргбор дар вилояти Балуҷистон, шуруъ шуд.

Замини Донишгоҳи Осиёи Марказиро дар шаҳри Хоруғ ба нафъи давлат гирифтаанд.

Дастаи мунтахаби наврасони футболи Тоҷикистон (U-16) бо роҳбарии сармураббӣ Далер Каёсов дар доираи омодагӣ ба марҳилаи интихобии Ҷоми Осиё-2025 дар мусобиқаи анъанавии байналмилалии «Ҷоми рушд-2024» дар Минск иштирок хоҳад кард.

Соли 2023 қариб 170 километр (169,48 км) хатти марзи Тоҷикистону Қирғизистон муайян шудааст. Дар ин бора Ориф Хоҷазода, раиси Кумитаи замин ва геодезии Тоҷикистон ва раиси гуруҳи топографӣ аз ин кишвар, 8-уми феврал зимни нишасти хабарӣ дар Душанбе иттилоъ дод.

Қосимҷомарт Тоқаев, президенти Қазоқистон, рӯзи 7-уми феврал дар мулоқот бо аъзои ҳукуматаш даъват кард, ки низоми расондани ёриҳои иҷтимоӣ ба аҳолӣ "бозсозӣ" шавад.

Президенти Қирғизистон Содир Ҷабборов (Жапаров) дар мусоҳибааш бо хабаргузории "Кабар" боздошти 11 рӯзноманигорро шарҳ дод.