Новости за 08.12.2017

اسلامی جمہوریہ ایران کے دارالحکومت تہران میں خطیب جمعہ نے امریکی صدر ڈونلڈ ٹرمپ کی طرف سے بیت المقدس کو اسرائیل کا دارالحکومت قراردینے کے فیصلے کی شدید مذمت کرتے ہوئے کہا کہ بیت المقدس کو اسرائیل کا دارالحکومت تسلیم کرنا "غصب مضاعف" ہے۔ عرب اور مسلم ممالک کو امریکی صدر کے احمقانہ فیصلے کی بھر پور مزاحمت کرنی چاہیے۔

بیت المقدس کو امریکہ کے احمق اور نادان صدرڈونلڈ ٹرمپ کی طرف سے اسرائیل کا دارالحکومت تسلیم کرنے کے بعد ایران کے علماء اور مراجع عظام نے ایک بیان میں امریکی صدر کے اس احمقانہ اقدام کی مذمت کرتے ہوئے کہا ہے کہ بیت المقدس مسلمانوں سے متعلق ہے اورمسلمانوں کو امریکی صدر ٹرمپ کے فتنہ کوباہمی اتحاد اور یکجہتی کے ساتھ ناکام بنانا چاہیے۔